Road to Dead End

[IwantTObreathe]

Two Less Lonely People on Hearts' Day

Friday night, 7pm, Valentines Day.

Yela on Yahoo Messenger: Had a nice date with RC.




Si Byker ay ang long-time crush ni Yela. Kapatid ito ng kanyang bestfriend na si Eidan.





Hindi makapaniwala si Yela. Pakiramdam nya, ibang tao ang gumamit ng YM account ni Byker para pagtripan sya. Nagshower pa rin sya kahit duda sya... Malay mo nga naman tunay.


“totoo nga ba? Id-date ako ni Byker? Shocks si Byker!? Bykerrrrrrrrrr!!!”

Gwapo si Byker. No girlfriend since birth sa edad na 22. Matalino. Hindi. Sobrang talino. May kaya ang pamilya, meron silang maliit na kumpanya.

1 Message Received

hindi nya sinend ang huli nyang itinayp

30 minutes later. . .

*beep beep*

Nag-ring ang phone ni Yela.

"Hello, nandyan ka na?"

"Oo, dito na ako sa labas ng bahay nyo."

"Sige, palabas na ko" binaba ang phone, ipinasok sa maliit nyang handbag.

Lumabas si Yela ng bahay. Natanaw na nya ang CRV ni Byker. Naglakad sya papunta sa gate, pilit ikino-compose ang sarili. Kinakabahan sya, kinikilig.

Paglabas nya ng gate, ibinaba ni Byker ang bintana, "Ui" sabay ngiti.

"Ang ganda talaga ng ngipin ni Byker" bulong ni Yela sa sarili. Tinungo nya ang pinto ng passenger's seat, binuksan, sumakay.

"Hindi ba dapat baba muna ako para ipagpaalam kita sa parents mo?" bungad ni Byker.

"Ay wala sila eh." maikling sagot ni Yela. Hindi halos makatingin sa ginoo sa kanyang tabi.

Ang lapit nila sa isa't isa. Ngayon lang sila lumabas ng silang dalawa lamang.

"Ganun ba, sige tara na" sabay angat ng handbreak at tapak sa silinyador.

Napaka-gentleman talaga ni Byker. Ibang-iba sa kuya nyang si Eidan na wala nang ginawa kundi alaskahin si Yela. Tahimik siyang kinikilig sa kanyang kinauupuan.

Ang bango ng sasakyan. Hindi nya alam kung si Byker ba ang mabango o yung sasakyan lang talaga.

[Romanticure]

san na kasunod? ang ikli naman.

[JobyBryant24]

Sayang... Sana sa InP naka-post to para alam na!!!

[unknown_SM]

Hi Ket!!! Asan na????

[IwantTObreathe]

san na kasunod? ang ikli naman.

sorry po. please bear with me. if you would notice, madaling araw ko na ito ipinost, medyo antok na ako.

Sayang... Sana sa InP naka-post to para alam na!!!

ooops. wag spoiler.

Hi Ket!!! Asan na????

Hi maws, asan ang ano? ayan oh? teka lang ha. mahina kalaban eh. kino-koloran ko pa yung kasunod.

[Nils]

@IWTB
ikaw ba si Yela?

[IwantTObreathe]

***Bago ang araw ng mga puso, naikwento ni Yela kay Byker na gusto niyang magmadre dahil gusto nya sa tahimik na lugar gaya ng kumbento.


Sa kotse.
“San tayo pupunta, Byker?” Pilit inaayos ang tono ng pananalita. Parang tumataas ang boses nya sa sobrang kilig.


“Sa lugar na namimiss mo na.” Nakangiti pero sa kalsada pa rin ang tingin.

Isip ng isip si Yela anong mapag-uusapan. Nakakabingi ang katahimikan. Madaldal si Yela, pero parang tikom ang mga bibig nya sa mga sandaling iyon. Tinitignan na lang din nya ang kalsada.

“Kumusta naman yung trabaho mo?”

Hay salamat, sya ang nanguna magsalita, sa isip ni Yela.

“Okay naman, medyo nakakapagod at nakakasawa. Paulit-ulit kasi ginagawa namin.”

“Okay ba magtrabaho dun sa inyo? Ano ang mga software na gamit ninyo?”

Software. Sa isip nya. Ano nga yung software? Di sya makapag isip ng mabilis.

“Ahhm, ano. Meron kaming window-based software para sa mga information ng clients namin, pero meron pa rin kaming dos-based. Para syang back up in case magloko yung window based, mas accurate pati yung sa dos-based.”


“Hmm. Okay yun, minsan sama mo ko sa office mo ha.”

“Ha? Sige, pag pwede kami magdala ng bisita. Minsan may ganun company namin eh, pwede mag-invite ng friends or relatives para mag-tour sa loob ng company”

Natuwa si Yela sa sinabi ng binata. Ibig sabihin, magkikita pa sila uli.


----------------------------------------------------------------------------------------

“Ayan andito na tayo!”

Maraming kainan at mga estudyanteng sando at pantalon na lamang ang suot. Lugar na malapit sa Unibersidad na kanilang pinasukan noon.

“Di ba namimiss mo na to Yela? Tara kain na tayo, gutom na ko eh, di pa ko nagdidinner, hehe”

Hindi kailanman nabanggit ni Yela na namimiss nya ang mga kainan dun, pero natuwa sya dahil parang nabasa ni Byker ang iniisip nya. Pogi points!!!

“Sige, medyo gutom na rin ako e”

Pagkatapos kumain, sumakay na ulit sila ng sasakyan. Nasa isip ni Yela, wala na, uwian na, tapos na ang pantasya.

“Yela, diba gusto mo sa tahimik na lugar? May pupuntahan tayo”

“Ha?..saan naman?” Kinabahan si Yela, hindi nya alam ang gagawin nya. Pero matinong tao naman ang bestfriend nya, sa tingin nya matino rin naman ang kapatid nito.

*vrooooom*

[unknown_SM]

Ano ba yan!!! Ilang oras ba kayo bbiyahe niyan. Nak naman ng!

Badtrip!

[JobyBryant24]

Kanina pa ako binibitin ng kwento na to ah. Motel din naman pupuntahan nito. Ikwento mo na!!!

[IwantTObreathe]

Ano ba yan!!! Ilang oras ba kayo bbiyahe niyan. Nak naman ng!

Badtrip!

Kanina pa ako binibitin ng kwento na to ah. Motel din naman pupuntahan nito. Ikwento mo na!!!

Let's enjoy the ride guys.

[IwantTObreathe]

Nagdrive si Byker ulit. Intersection. Pag kumanan, pauwi iyon sa bahay ni Yela.

Kumaliwa ang sasakyan.

“San naman kaya kami pupunta” sa isip ni Yela.

Gateway, IT Park



Kumaway sa guard si Byker at pinagbuksan ito ng gate, malaking gate.

Pumasok sila sa loob ng IT park.

Habang nagmamaneho ng dahan-dahan....

“Dito ang office namin, pero sarado na ‘yun ngayon...” tinuro ang kaliwa “Ayan, dyan sa pakaliwa na yan ang office namin,” tinuro ang harap “pero dun tayo, diretso”

Ang tahimik ng lugar. Walang tao sa paligid. Puro buildings lang nakapatay ang mga ilaw.

Ipinarada ni Byker ang sasakyan sa isang tabi.

“Bakit tayo nandito, Byker?” Kanina pa gusto itanong ni Yela pero nahihiya sya kasi baka kung ano ang isipin ng kasama sa tanong nya. Masyado na sya nagiging conscious sa bawat galaw at salita nya.

“Diba sabi mo gusto mo sa tahimik na lugar? Eto, tahimik dito, walang gugulo sa’yo.”

“Huh” sa isip ni Yela. “Naalala nya pa yung sinabi ko? Grabe, kinikilig ako. Sobra akong kinikilig. Napaka-special ng gabing ito”


“Alam mo, hindi mo kailangang mag-madre para lang mapunta ka sa tahimik na lugar. Pwede ka pumunta dito, sabihin mo lang sakin.”

Uminit ang mukha ni Yela, sigurado syang namula siya. Ang hindi niya lang sigurado, kung napansin ba ito ni Byker.

“..ah..Salamat ha.”


Kinuha ni Byker ang Ipod nya, ibinigay ang isang earphone sa kanya. Bago ang set ng earphones, magkadikit pa ang wires ng left and right piece. Kailangan tuloy nila maglapit sa isa’t isa para makapakinig sila pareho.

Nakumpirma ni Yela na si Byker talaga ang mabango. Tahimik lang silang nakikinig ng music. Ang ipinagtataka ni Yela, bakit kaya hindi na lang buksan ang radyo ng kotse para makinig sila ng music. Siguro mas maganda ang mga music sa Ipod nya.

[JobyBryant24]

Malapit na!!! Igapang mo na kamay mo Byker. Binibitin mo kami hayup ka.

Gateway ba kamo? Dami mot-mot dyan!!!

[JobyBryant24]

Pero Gateway tapos IT Park. Sa CEBU kaya ito?

[agonysWeeper]

hindi ako nagbabasa, balitaan niyo ako sa Inp section ha,

si Byker si Pareng IWTB.
confuse ako sa Road to Dead End

[IwantTObreathe]

Pero Gateway tapos IT Park. Sa CEBU kaya ito?

Uhm.. Hindi po.

Thanks kuya JB ah!

hindi ako nagbabasa, balitaan niyo ako sa Inp section ha,

si Byker si Pareng IWTB.
confuse ako sa Road to Dead End

Oist pare, malupit ka talaga mag-isip.

At bakit ka na-confuse? magbasa ka kasi.

[JobyBryant24]

hindi ako nagbabasa, balitaan niyo ako sa Inp section ha,

si Byker si Pareng IWTB.
confuse ako sa Road to Dead End

So parang sinasabi mo na chixilog tong si IWTB? Kaya pala!!!

Wag ka na ma-confuse pre. Nakikinita ko na patutunguhan ng storyang to. Parang mga nasa DILEMMAS, yung mga nagsisibuntisan dun. Or as usual baka me mamatay din dto.

[IwantTObreathe]

Yet Another Day

Sunday, Feb 16.

1 message received:

[JobyBryant24]

^Walangya ka IWTB. Hindi yan yung continuation na gusto namin. Bakit ba enjoy na enjoy kang pasabikin kami at bitinin? Andun na sa koche, sa tahimik na lugar na walang ibang tao, sa gabi ng Valentines at sa eksatong sandali na me mangyayari na. Wala ng makakapigil nun sana.

Pero BINIGO MO KAMI!!! Walanjo!!!

[IwantTObreathe]

^Walangya ka IWTB. Hindi yan yung continuation na gusto namin. Bakit ba enjoy na enjoy kang pasabikin kami at bitinin? Andun na sa koche, sa tahimik na lugar na walang ibang tao, sa gabi ng Valentines at sa eksatong sandali na me mangyayari na. Wala ng makakapigil nun sana.

Pero BINIGO MO KAMI!!! Walanjo!!!

nag-skip ba? paganahin mo na lang imagination mo. hihi.

[unknown_SM]

ankulit ni ket! Nakakbitin naman talga, tapos iyan lang ilalagay mo 2 screenshots? Pinagmamalaki mo lang ata naka iphone ka eh.