Cinemalaya: Mga Mumunting Lihim [Juday, Iza, Agot & Janice]

[crystalblast]

Judy Ann Santos talks about her "kontrabida" role in Mga Mumunting Lihim

Allan Sancon
Friday, March 23, 2012 @ 03:35PM

Isang blooming na Judy Ann Santos ang nakita ng lahat nang dumating siya sa presscon ng kanyang bagong endorsement na Eden Cheese na ginanap sa Events Place noong nakaraang Miyerkules, Marso 22.

Maraming anggulo ang napag-usapan sa nasabing presscon, hindi lamang ang tungkol sa produktong kanyang ini-endorse kundi maging sa kanyang buhay pamilya. Napag-usapan din kung ano ang sikreto niya sa patuloy niyang pagiging seksi at kung ano ang kanyang mga susunod na proyekto.

Matapos ang kanyang presscon ay nagkaroon ang PEP.ph at ilang press ng pagkakataon na makausap si Judy Ann tungkol sa kanyang unang pelikulang gagawin para sa 8th Cinemalaya na tatakbo mula July 20-29, 2012.

Pinamagatang Mga Mumunting Lihim, ito ay sa ilalim ng direksiyon ni Joey Reyes. Isa ito sa 5 entries na magko-compete sa Directors’ Showcase category ng Cinemalaya Philippine Independent Film Festival.

Nabalitaan naming bahagi ka ng isang pelikula sa Cinemalaya ngayong taon?

“Yes, first time kong gumawa ng movie sa Cinemalaya. Kailangan kong i-correct ang sarili ko kasi nabanggit ko sa ibang interview ko na first time kong gumawa ng indie film. Hindi pala kasi gumawa na pala ako ng Ploning noon [which was released in 2008]. Not first time na indie film pero first time sa Cinemalaya, kaya very excited ako to do this project. As far as I know - sa Cinemalaya ay talagang ini-screen ang mga istorya na isasalang nila dito bilang entry, pati mga artista ini-screen nila. Nakakatuwa dahil mainstream director naman ang bibigyan nila ng pagkakataon na gumawa ng mula sa puso na mga pelikula, talagang lalabas ang kanilang pagiging artist sa Cinemalaya. Hindi siya yung parang pelikula na kailangan mong alagaan yung istorya, kasi may mga batang manonood ka na dapat isipin. Hindi ko naman sinasabi na walang value yung gagawin naming pelikula dito sa Cinemalaya. Pero minsan may mga pagkakataon na gusto mong gumawa ng isang istorya na out of the box, isang istorya na parang Hollywood lang yung story na iisipin mo na…ay ganun pala ang nangyari hindi mo expected yung mangyayari.”

Tungkol saan po ba ang Mga Mumunting Lihim?

“Kuwento siya ng apat na magkakaibigan. Noong namatay ako, dun sa pagkamatay ko, may mga nilabas akong sikreto ng mga kaibigan ko. Kumbaga, sinulat ko sa diary yung mga naiisip ko tungkol sa kanila nung nabubuhay pa ako. Parang, kung susumahin mo, akala mo mabait ako dun, yun pala hindi. Meron siyang mga pananaw sa mga kaibigan niya na di niya masabi kaya isinusulat nya na lang. Dun nagsimula ang anggulo ng gulo sa bawat isa.”

Nanibago ka ba bilang kontrabida sa pelikulang ito?

“Hindi naman, hindi naman ako yung kontrabida dito na pumapatay ng tao or nananakit. Hindi naman ako rito yung kontrabida na nagpapasabog ng kotse. Masyado kasing totoo yung istoryang ginawa ni Direk Joey Reyes sa pelikulang ito. Yung pagiging kontrabida ko rito ay totoong nangyayari sa tunay buhay ng mga magkakaibigan, may ganung ugali talaga. Parang sinasabi mo at the back of your mind, may iniisip ka dun sa kaibigan na hindi maganda. Dahil hindi mo masabi in person dahil mahal mo siya, isinusulat mo na lang sa diary.”

Sino po ang mga makakasama mo rito?

“Makakasama ko rito si Iza Calzado, Agot Isidro at Janice de Belen. Kaming apat yung magkakaibigan dito.”

Totoo po bang originally si Eugene Domingo ang lalabas sa papel n’yo dapat dito?

“Oo, si Uge dapat yun, pero dahil sa sobrang kabisihan ng babaeng ito, parang sa salitang busy mas busy pa siya sa salitang busy.”

Humingi ka ba ng advise kay Uge sa pag gawa ng indie film na ito?

“Kanya-kanya kasi kami ng atake pagdating sa paggawa ng indie film, kasi hindi naman kasi kami pare-pareho ng emosyon, e. Iba-iba kami ng pag e-express or pagkakaintindi sa mga karakter na ginagampanan namin. Si Uge, ang nakikita ko naman sa kanya, lahat ng karakter na ginagawa niya, isinasapuso niya, lahat ng ginagawa nya mapa-indie film man ‘yan or mainstream, isinasapuso niya ‘yan, kaya napaka-effective niyang artista. Kasi lahat ng ginagawa niya ay gusto niya at kinakarir niya talaga, at makikita mo yun sa trabaho niya bilang artista.”

Hindi ba naging isyu sa inyo ang talent fee sa katulad ninyong may malaki ng pangalan sa industriya? Alam naman po nating hindi ganun kalaki ang budget ng Cinemalaya.

“Alam mo, may mga pagkakataon na, pag kayo-kayong magkakaibigan ang nag-usap para gumawa ng isang magandang project, hindi naman lahat nang ito ay usapang pera, di ba? Pero, oo, aminin na nating kailangan mo talagang mag-trabaho, kailangan mong kumita ng pera, pero may mga pagkakataon na kailangan mo ring isipin yung puso pagdating sa pag-arte. Yung passion mo sa pag-arte, hindi naman ito nabibili sa department store, hindi siya nagiging buy one take one sa mga groceries, kumbaga, malaking bagay kadalasan yung makaarte ka nang galing talaga sa puso mo. Gusto mo yung istorya, gusto mo yung proyekto, hindi naman lahat, pera-pera lang.”

Nabalitaan n’yo po ba yung nangyayari sa Cinemalaya kunsaan may mga nagku-question tungkol sa pagpapalakad ng naturang film festival?

“Talaga? Hindi ko alam yan! Alam mo hindi ako makapag-komento talaga diyan kasi hindi ko alam yung talagang nangyari. Pagkakaalam ko lang, sa simula pa lang, mga batikang director at producers ang talagang nag-screen ng mga pelikulang ilalabas. Pero personally, sa ibang isyu naman ng Cinemalaya, happy ako na may Cinemalaya, kaya nga tinawag na Cinemalaya kasi “malaya” ang mga director at mga artista na i-express kung ano ang gusto nilang maiparating sa mga manonood. Sa panahong ito, kailangan ‘yan ng mga nasa industriya, yung gumawa ng isang pelikula na hindi masyadong pinupuna, hindi masyadong sine-censor, kasi pag sinabi mong ito lang yung edad na pwedeng manuod, ito lang edad talaga yung pwedeng manuod, para magawa ng director yung gusto nyang ihatid sa pelikulang ginagawa niya. Pero about the issue, hindi ako makapag-comment talaga, kasi di ko talaga alam ang tunay na nangyari, mamaya sabihin nila sumasabat ako ko di naman alam yung talagang isyu. Pero kung anu’t ano man yung isyu sana ma-address talaga ng mga batikang organizer ng Cinemalaya, kasi ito ay para sa mga director, artista at writers na bago, para mailabas nila ang kanilang mga talento.”

After hosting Junior MasterChef, ano ang mga susunod na projects ninyo?

“May teleserye in the works pero hinihintay ko pa ang ABS-CBN na i-present yung istorya sa akin. Movie, meron with Coco Martin, pero hinihintay ko pa rin ang schedule nung bata, hindi pa rin naman sure kung matutuloy yun kasi mag-de-depende pa rin kung anong araw at anong buwan pwedeng mag-roll na pwede pareho schedule namin.”

[crystalblast]

Judy Ann Santos describes role in Mga Mumunting Lihim as "slight" kontrabida



Arniel C. Serato
Tuesday, April 03, 2012

Hindi man gaanong nakikita sa telebisyon si Judy Ann Santos, kabi-kabila naman ang kanyang mga proyekto—mapa-pelikula man o mapa-endorsement.

Sa set ng pelikulang Mga Mumunting Lihim, nagkaroon ng pagkakataon na makausap ng PEP.ph (Philippine Entertainment Portal) ang aktres sa Casa Francesco restaurant sa Timog Avenue, Quezon City.

Dito'y makakasama niya sina Janice de Belen, Agot Isidro, at Iza Calzado.

DARK ROLE. Ang kuwento ay umiikot sa apat na magkakaibigan na may mga lihim na sa huli ay ibubunyag ng kanyang karakter.

“Ako si Mariel, sa akin nagsisimula yung mga mumunting lihim. Kumbaga ako yung nagsusulat ng mga lihim ng mga kaibigan ko, ng mga tingin ko sa kaibigan ko… so yun.”

May pagka-kontrabida raw ang role niya rito?

“Slight… Oo ha? Na hindi horror kasi yung Kulam, yung kambal ko dun ‘di ba dark?

“So ahmm… oo ito yung normal na istorya na medyo kontrabida.”

So taliwas ito madalas niyang role, kung saan siya ay inaapi?

Aniya, “Hindi naman siya yung kontrabidang nang-aapi.

“Pero meron siyang mga underground tactics, kung paano niya… kung anong tingin niya sa mga kaibigan niya, kung anong pananaw niya sa mga nangyayari sa paligid niya.”

“Kumbaga, I’m sure na bawat isa sa atin may mga ganun naman tayong…ganung klaseng ugali, ‘di ba?

“Hindi mo na nga lang kailangang ipaalam mo sa kaibigan mo na kung anong nakikita mo sa kanya, isusulat mo na lang.

“Hanggang sa yun na nga...”

INDIE PROJECTS. Sa previous interview ng misis ni Ryan Agoncillo, binanggit niyang ito ang kanyang first indie fillm.

Pero pagka-klaro niya, “Alam mo dapat ko ngang i-korek ang sarili ko kasi nabanggit ko before, first indie film ko itong ke Direk Joey Reyes.

“Naalala ko, nag- Miss Pinoy nga pala ako—that was my first indie film.

“Ang Ploning, considered as indie kasi independently-produced siya—ito ang first ko sa Cinemalaya kumbaga.”

Masaya daw si Juday sa set ng pelikula.

“Saya lang, relax lang, parang sa panahon ngayon…Maghahanap ka na rin ng project na magagawa mo…Yung craft mo and at the same time masarap pumasok sa trabaho kasi alam mong maayos yung mga katrabaho mo, very professional.

“Mga kaibigan mo, masaya lang kayo sa set, uuwi kang masaya lang din.”

[crystalblast]

OFFICIAL FACEBOOK PAGE

http://www.facebook.com/MgaMumunting...eLittleSecrets

[crystalblast]

Direk Joey Reyes on first indie film: “Lahat tayo iisa lang ang layunin, ang makagawa ng mga magagandang pelikulang Pilipino.”



Arniel C. Serato
Wednesday, April 04, 2012 @ 05:59AM

Isa sa mga hinahangaan at ginagalang na direktor sa industriya si Jose Javier Reyes.

Sa loob ng kanyang pagtatrabaho sa film industry, marami nang blockbuster movies ang kanyang nagawa, pero lahat ng yun ay pawang mga mainstream films.

Sa ngayon, inaamin ni Direk Joey na first time niyang gagawa ng "indie" film sa pamamagitan ng Mga Mumunting Lihim, entry niya sa Cinemalaya 2012 Directors' Showcase.

“Ito ang una kung indie movie,” sabi ni Direk Joey sa PEP.ph (Philippine Entertainment Portal).

“Matagal ko nang gustong gumawa ng indie, pero natatakot ako.

“Pero sa pagkakataong ito, sobrang enjoy.

"Bago mag-shooting, hindi ako makatulog sa excitement na makapunta sa set.

“Hindi ito ang huli kong indie movie," deklara pa niya.

THE PLOT. Masayang ikinuwento ni Direk Joey sa PEP ang takbo ng istorya ng kanyang pelikula.

“Kuwento ito ng apat na magkakaibigan na napakaraming taon na ang pinagsasamahan, at kung ano ang naganap matapos mamatay ang isa sa kanila.

“At sa kanyang pagkamatay, meron siyang mga iniwan na ebidensiya, na nagpakita ng kung anu-ano ang mga sikreto na itinatago ng magkakaibigan sa isa’t isa.”

Masasabing hindi “normal” na indie film ang ginagawa ni Direk Joey dahil madalas ay theater actors ang gumaganap at limitado ang budget.

Sa Mga Mumunting Lihim, ‘stellar cast’ ang mga artistang kasali—sina Judy Ann Santos, Iza Calzado, Agot Isidro, at Janice de Belen.

Ayon kay Direk Joey, “Alam mo, suwerte ako, tatlong punto…

"Una ay siguro inalalayan ako ng Panginoon para sa sa proyektong ito dahil nakuha ko ang mga cast na talagang gusto kong gumanap.

“Ikalawa, itong pelikulang ito ay alay ko sa aking kaibigan na yumao na si Don Escudero.

“Siguro si Don, tinutulungan din ako.

“Ikatlo, kahit man mayroon mang kaunting aberya sa schedule ng ibang cast members na kailangang mapalitan, ay nakuha ko pa rin yung mga mas favorable na mga kondisyon.

“Nagpapatunay lamang na kahit pala ganito ako kataray ay marami pa ring tao ang nagmamahal sa akin!”

Kasama rin dapat sa cast si Eugene Domingo pero dahil sa conflict sa schedule ay hindi siya nakasama. Si Janice ang pumalit sa kanyang role.

Sa mga naunang panayam noon kay Janice, inamin nitong kahit sobrang busy ang kanyang schedule ay hindi nito mahindian ang isang Joey Javier Reyes.

“Totoo 'yan!" sambit naman ni Direk Joey.

"Ang tagal na naman ng pinagsamahan namin.

“Huling beses kaming nagsama ni Janice bago nito ay yung pelikula namin with Richard Gomez, Maricel Laxa, and si Janice—yung Ikaw Ang Lahat Sa Akin.

“Dyusko, kailan yun? Ikaapat na pelikula ko yun, ito na yung aking ika-63 pelikula ko!

“So, ang dami ko nang pelikulang nagawa at takam na takam na akong makatrabaho ulit si Janice!”

CINEMALAYA. Ang Mga Mumunting Lihim din ang unang Cinemalaya entry ni Direk Joey.

Paano kaya niya nabuo ang malalaking artista para sa isang pelikulang hindi ganun kalaki ang budget?

Nagpaka-totoo naman si Direk sa pagsasabing, “Kasi marami kaming ka-TY-an dito."

Ang ibig niyang sabihan ay "thank you" o walang bayad.

“Maraming gumagawa dito dahil gusto namin itong ginagawa namin.

“At napatunayan naming iba yung nagtatrabaho ka lamang, sa gusto mo yung ginagawa mong trabaho—ibang-iba.

“Sabi nga, kung tutuusin itong pelikulang ito, palugi, e.

“Uhm, ilang buwan na wala akong kikitain? Ilang buwan na hindi ko nakuha ang oras ko?

“Pero ginagawa ko ito dahil sa pagmamahal ko sa pelikula at alam ko ang mga taong nandito ay alam ko naniniwala sila sa proyektong ito at yun ay nakakataba ng puso.”

Dugtong pa ni Direk Joey, “Nandidito ang producers na nag-invest ng pera sa akin…

“Nandidito ang mga artista na ginagawa nila ito dahil mahal nila ako at naniniwala sila sa proyekto…

“Iba ito kaysa sa pumupunta ka lang dahil gusto mo kunin ang talent fee mo.”

Sa huli, masaya si Direk Joey na muling gagawa ng pelikulang gustung-gusto niya.

“Ito lang ang pagpapatunay na ito ang Cinemalaya. Ito ang mga indie movies, ito ang mga mainstream movies!

“Lahat tayo iisa lang ang layunin, ang makakagawa ng mga magagandang pelikulang Pilipino.

“Maging ako man, o bata na kakasimula pa lamang gumawa ng pelikula…

“Maaring isang Joel Lamangan, maaring isang Marilou Diaz-Abaya, maaring isang Emerson Reyes…

“Iisa lamang ang gusto namin, makagawa ng pelikulang gusto namin at magandang pelikulang Pilipino.”

[crystalblast]

Joey Reyes directs Judy Ann Santos and Iza Calzado for Mga Mumunting Lihim

Mell Navarro
Wednesday, March 14, 2012



Mula pa noong 1990s, nakilala na si Jose Javier Reyes sa kanyang track record sa industriya as a seasoned scriptwriter and director pampelikula man o telebisyon.

Isa si Direk Joey sa ating local filmmakers na naging matagumpay--commercially and critically--ang kanyang mga pelikula.

Halos lahat ng local award giving bodies ay kinilala at pinarangalan na siya through the years.

Ang kanyang last film shown ay ang My Househusband (starring Judy Ann Santos at Ryan Agoncillo) na isang Metro Manila Film Fest entry last December 2011.

Ngayong 2012, unang beses na sasali si Direk Joey sa 8th Cinemalaya Philippine Independent Film Festival. Ito ay para sa drama film na Mga Mumunting Lihim.

Bagama't ito ay kanyang "first indie adventure," pasok sa kanyang bonggang casting ang mga sikat na mainstream actors: Judy Ann Santos, Iza Calzado, Agot Isidro, and Janice de Belen.

Sa Director's Showcase category pasok ang Mga Mumunting Lihim (na nagsimula na ang shooting).

Ang kategoryang ito ay para sa mga beteranong filmmaker tulad ni Direk Joey, at kung "relatively new" man ang filmmaker, dapat ay nakapag-release na siya commercially ng at least three (3) films nito.

The other category is called New Breed Category, at dito naman pasok ang mga baguhang filmmaker na wala pang tatlong movies ang naipapalabas sa commercial theaters.

Sa pamamagitan ng email, nakapanayam ng PEP.ph (Philippine Entertainment Portal) si Direk Joey. Ayon sa kanya, tungkol sa pagkakaibigan ang Mga Mumunting Lihim.

Ano nga ba ang "history" o origin ng material niyang ito?

Kuwento ni Direk Joey: "Sometime July last year, one of my best friends passed away. Ito ay si Direk Don Escudero.

"Napakasakit na ang isa mong kaibigang matalik, at kababata, at naging kasama hanggang sa pagpasok sa propesiyonal na daigdig ang pumanaw.

"Kaya naisip kong gumawa ng isang pelikula tungkol sa pagkakaibigan. At kung papaanong ang kamatayan sa isang pinakamahalagang tao sa buhay mo ay nakakaapekto ng iyong perspektibo sa mundo.

"No friendship is perfect ... But it is something we cherish.

"At kung ang kamatayan ay pagtatapos, papapaano kung sa pagpanaw ng isang pinakamamahal mong kaibigan ay nabukas ang iyong mga mata sa mga napakarami pang bagay na hindi mo inakala habang siya ay nabubuhay pa?

"Papaano kung sa napakaraming taon ay napakaraming mga sikreto ang itinago ninyo sa isa't isa... at nabunyag sa kamatayan?

"Iyan ang dahilan kung bakit naisulat ko ang Mga Mumunting Lihim," kuwento ng award-winning scriptwriter-director.

Ano ang maiksing synopsis o buod ng pelikula?

"In a nutshell, magsisimula ang pelikula sa pagkamatay ng isang kaibigan--at kung papaano siya nag-iwan ng mga ebidensiya tungkol sa mga sikretong ipinagkatago-tago ng kanyang mga kabarkada sa isa't isa sa napakaraming taon na kanilang pagkakaibigan."

Ang "casting" ba ay kailan pumasok sa isip niya--even before or during he was doing the script?

"Sa simula't simula pa ay isa lang ang nasa pag-iisip ko: Gusto kong bigyan ng kaiba-ibang role si Judy Ann Santos. At gusto kong makatrabahong muli si Iza Calzado.

"Sa set ng My Househusband ay inalok ko si Agot at umoo siya... At nang nagkabulilyasuhan sa sked ni Eugene Domingo, naisip ko kaagad ang isa pang artistang miss na miss ko nang makatrabaho at gustong bigyan ng kaiba-iba ring role na hindi pa niya nagagampanan--si Janice de Belen. Kaya hayan."

Ngayong taon lang ba siya nagpasa ng kanyang script for Cinemalaya?

"Last year, sumali rin ako pero nag-backout ang financier ko nang umabot ako sa finalists. Kaya hindi ko na tinuloy.

"This year, nakahanap ako ng financier kaya malakas ang loob ko na sumali. 'Pag nanalo ako ng lotto, hindi na ako mag-aapuhap ng financiers at gagawa ako ng sandumakal na indie movies hindi lamang para sa akin kundi para rin sa ibang baguhang direktor."

Sa mga nagdaang taon ng Cinemalaya, mayroon rin siyang naging partisipasyon sa nasabing popular (and controversial) indie filmfest, pero ito ay bilang jury.

"Kadalasan ay screener ako ng short feature films ng Cinemalaya. Two years ago, naging juror ako," pagbibigay impormasyon ni Direk Joey.

"Kaya nagbakasakali ako this year dahil parang ang sarap-sarap gumawa ng indie katulad ng mga kaibigan kong sina Joel Lamangan at Gil Portes.

"In short, gusto kong matikmang gumawa ng ganito at ngayong ginagawa ko na ito, never have I been so excited for so long a time!" bulalas ng batikang direktor.

Ano ang kuwento sa pagkawala sa casting ni Eugene Domingo sa kanyang first Cinemalaya film, at mapalitan ng isa pang de-kalibreng aktres in the person of Janice de Belen, na nakasama rin ni Direk Joey sa ilang past films nito noon?

"Nagkabulilyaso ang schedule ni Eugenia dahil dalawang pelikula ang sabay niyang ginagawa," sagot ni Direk Joey, referring to Kimmy Dora 2 (Temple of Kiyeme) at ang I Doo Bidoo, Bidoo.

E, may schedule of deadlines ang Cinemalaya na dapat ma-meet.

"So I figured, who else can be as good as Eugenia Domingo, at magiging bago na rin sa paningin ng manonood?

"Then, I remembered the woman who literally stole the show in Budoy [ABS-CBN's advoca-serye topbilled by Gerald Anderson].

"At kung papaano na ang tagal na naming hindi nagkakatrabaho ni Janice. Kaya, God has His ways."

Ano naman ang masasabi niya sa iba pa niyang artista sa pelikula?

"Considering how heavy my female leads have become, I realized that I needed competent actors to fill the other roles.

"Hindi na yung tinatawag na pang-billboard value.

"Para sa akin, I am most grateful for Juday, Iza, Agot and Janice to be part of my first indie adventure because I know ginagawa nila ito for the love of cinema ...

"And so, I decided to invite other actors who I know are competent or promising. That is why nandidiyan sina Lui Manansala, Madeline Nicolas, Roeder Camañag, and Gino dela Pena.

"I want a set that is as much fun, para it will not look like a lot of hard work," lahad ni Direk.

Ano'ng message ng pelikula and gaano ito kaespesyal sa kanya?

"Simple lang ang mensahe: Friendship is priceless yet so fragile. And that despite years we share with one another, you cannot completely know another human being even until after he or she has left us."

Sa kategoryang pasok siya ay may apat pang mga "kalaban" ang Mga Mumunting Lihim niya, pagdating sa own set of awards nito, na iginagawad towards the end of the 10-day run ng Cinemalaya sa Cultural Center of the Philippines from July 20-29, 2012.

Ang ibang entries sa Director's Showcase category ay ang Bwakaw ni Jun Lana, ang Kalayaan ni Adolf Alix, Jr., ang Kamera Obskura ni Raymond Red, at ang Posas ni Lawrence Fajardo.

Gaano siyaka-excited sa unang indie film project niyang ito--to think na kumpetisyon rin ito?

"How excited am I? Sobrang-sobra," bulalas niya.

"It is not because of the competition, but the joy of being in the same company as Adolf Alix, Jun Lana, Raymond Red, and Lawrence Fajardo dahil alam kong gaganda rin ng mga ginagawa nila.

"Ang saya!" sambit pa ni Direk Joey Reyes.

[asian_sincere]

Excited na ako for Mumunting Lihim kakaibang Judai naman makikita natin

[todjie]

MGA MUMUNTING LIHIM

Among the 5 finalists in the Directors’ Showcase category of CINEMALAYA 2012, Jose Javier Reyes’ “MGA MUMUNTING LIHIM” (THOSE LITTLE SECRETS) has the biggest number of mainstream (lead) actors in its cast, which includes JUDY ANN SANTOS, JANICE DE BELEN, AGOT ISIDRO, and IZA CALZADO. The film is about the struggles of a group of childhood friends... Says Direk Joey: "In a nutshell, magsisimula ang pelikula sa pagkamatay ng isang kaibigan -- at kung papaano siya nag-iwan ng mga ebidensiya tungkol sa mga sikretong ipinagkatago-tago ng kanyang mga kabarkada sa isa't isa sa napakaraming taon na kanilang pagkakaibigan.".... Ang 8th CINEMALAYA Independent Film Festival ay nakatakdang ganapin sa July 20-29, 2012, sa mga teatro ng Cultural Center of the Philippines (CCP) sa Roxas Blvd., Pasay City, sa Greenbelt 3 Cinema sa Makati City, at ang bagong dagdag na sinehan this year na Trinoma Cinema sa Quezon City

interesting story

[crystalblast]

PEP.PH
February 22, 2012

Judy Ann Santos spent time in an ancestral house featuring Spanish style architecture yesterday, February 21, to shoot scenes for the Cinemalaya entry Mga Mumunting Lihim.

Written and directed by Joey Reyes, Juday stars in this drama film with Iza Calzado, Agot Isidro, and Janice de Belen.

The four ladies bring life to four friends who discover that they are harboring secrets about each other.

Eugene Domingo was supposed to be part of the film but due to her hectic schedule, she was replaced by Janice de Belen.

THE DIARY. This marks the first time that Juday will appear in a Cinemalaya entry, which also happens to be the first project of Direk Joey for the said indie film festival that will take place this July.

Juday plays the role of Mariel in the film.

She said about her character, "Hindi naman ako kontrabidang bonggang-bongga, pero tahimik ang character ko na observant at pailalim gumawa ng conclusion tungkol sa mga kaibigan niya.

"May sarili siyang pananaw sa mga kaibigan niya at sinusulat niya iyon sa journal niya.

"Ang mga Pilipino mahilig sa diary, mahilig magkuwento sa mga kaibigan.

"It's a good movie kasi makaka-relate lahat ng tao.

"Lahat naman tayo may kaibigan at lahat tayo nagkakaroon ng tampuhan sa mga kaibigan natin."

In real life, Juday maintains her own diary.

"Hanggang ngayon may diary ako sa iPad ko... pero hindi siya daily journal. Ako kasi [nagsusulat lang] 'pag masama ang loob ko."

MATTERS OF THE HEART. When it comes to matters of the heart, Juday said with a laugh: "Sa totoong buhay, marami talaga kaming sikreto."

The former host of Junior MasterChef then gave love advice to her co-star Iza Calzado, who broke up with businessman-musician Atticus King last year.

Juday said, "Basta sabi ko kay Iza, love will happen at the most unexpected way, at the most unexpected time, with the most unexpected person.

"Tingnan mo ako, ending ko sa La Sallista!"

Juday married Ryan Agoncillo, a graduate of De La Salle University-Manila, on April 2009.

When Iza was asked how she celebrated her Valentine's Day, she admitted that she went out on a date with a non-showbiz guy whom she did not identify.

"Oo naman! Hindi ako patatalo sa inyong lahat," the new Kapamilya star said.

Juday and Iza have worked together in previous movies such as Sabel and Ouija.

Juday was asked how is it like working again with Iza?

"Napakatotoo niya... napaka-pure," said Juday about her co-star who plays her best friend in this movie.

"Wala siyang opinion na masama laban sa ibang tao.

"Nung nagsu-shoot nga kami ng Ouija, may nakikita kaming mga tao at may mga opinion kami. Siya lang ang hindi.

"Sabi ko, 'Bakla, may halo ka na. Wala kang bad bone, ano? Pakpak na ang kasunod niyan, mag-ingat ka, ha.'

"Kasi siya, laging sinasabi, 'Hindi naman [ganun yung tao]. Ang sama n'yo.'"

[crystalblast]

PEP.PH
Febuary 16, 2012

...

Patuloy ni Juday, "At saka gagawa ako ng indie movie with Direk Joey [Reyes] sa Cinemalaya. Very excited na ako doon.

"First indie movie ito ni Direk Joey sa Cinemalaya at first indie movie ko pa rin.

"Kumbaga, pampapresko lang ba. Gagawa ka lang ng isang character na out of the box... nakakatuwa.

"Apat kami rito—ako, si Uge [Eugene Domingo], Iza Calzado, and Agot Isidro," banggit pa rin niya.

Ano ang magiging takbo ng istorya ng kauna-unahang indie film niya?

"Well, story siya ng magkakaibigan... at hanggang dun lang muna ang puwede kong sasabihin.

"Baka maagaw pa ng iba, mahirap na, ako pa ang masisi nila!" natatawang biro niya.

Pero dagdag niya, "Mga Mumunting Lihim ang title, pero ang story, iikot sa aming apat.

"Parang it applies to everyone na grupo ng magkakaibigan na kinalakihan natin.

"Basta maganda at makaka-relate ang sinumang tao.

"Kasi ako, nung mabasa ko yung script, e, gustung-gusto ko talagang gawin na agad.

"Nakakatuwa kasi nakaka-excite magbitiw ng dialogue na alam mong hindi mapuputol ng censorship, kasi indie film nga siya."

[crystalblast]

PEP.PH
April 2, 2012

Naimbitahan ang PEP.ph (Philippine Entertainment Portal) sa set ng pelikulang Mga Mumunting Lihim, ang Cinemalaya entry ni Direk Jose Javier Reyes para sa Directors’ Showcase ng nasabing film festival.

Sa Casa Francesco restaurant sa Timog Ave., Quezon City ang shooting ng pelikula noong nakaraang linggo.

Kabilang sa mga nadatnan namin sa location sina Judy Ann Santos, Janice de Belen, Agot Isidro, at Iza Calzado.

Kasama rin sa cast si Janice de Belen.

Ang pelikula ay tumatalakay sa kuwento ng apat na magkakaibigan na may mga “lihim” na hawak ni Judy Ann na sa huli ay mabubulgar isa-isa.

Kuwento pa ni Iza tungkol sa pelikula, “Ang character ko dito is very driven. Very ambitious. I will stop at nothing.

“Pero hindi ko naman intensiyon na masaktan ang mga tao. Hindi rin naman intention ng karakter ko na nanakit ng tao.

“Pero dahil sa talino ko minsan may nasasagasaan ako along the way.

“And yun nga ay yung isang sikretong mabubunyag.”

Ito raw ang kauna-unahang pelikula ni Iza para sa Cinemalaya.

“It’s my first time with Cinemalaya,” sambit ng aktres.

“Matagal ko nang gustong gumawa ng pelikula sa Cinemalaya.

“Nagkataon din na bukod sa maganda yung istorya, Direk Joey Reyes ‘yan, ang ganda nung cast.

“It’s something na hindi mo hahayaang makalampas sa ’yo yung opportunity.”

[crystalblast]

PEP.PH
April 2, 2012

Isa sa mga cast ng Mga Mumunting Lihim ni Direk Joey Reyes si Agot Isidro.

Ang pelikulang ito ay entry sa Directors' Showcase ng Cinemalaya ngayong taon.

Paglalarawan ni Agot sa sa kanyang role, “Ako dito si Sandra, kasama ako sa magkakabarkada—si Carla, si Mariel, at saka si Olive.

“So si Sandra is a simple girl from the beginning na nakapag-asawa ng mayaman.

“So, wala... yumabang, yung ganun.

“But level-headed siya, prangka… prangkang tao, so masakit man yung sinasabi niya, totoo naman.

“In the end, she cares for her friends.”

Nakausap ng PEP.ph (Philippine Entertainment Portal) si Agot sa shooting ng Mga Mumunting Lihim sa Casa Francesco restaurant sa Timog Ave., Quezon City, noong isang linggo.

Kasama niya sa pelikula sina Janice de Belen, Iza Calzado, at Judy Ann Santos.

Kumusta naman ang working relationship nila?

Saad niya, “Magkakaibigan kami, magkakaibigan kaming lahat, e.

“So ang gaan-gaan sa set, parang it’s a kind of work that you really look forward to.

“Waking up for this kind of work, parang ang saya-saya, blessed.

“Ang bilis, maaliwalas, ang funny ng script, ang pretty nung dialogues…

“So masaya, masaya yung work at sobrang magaan yung feeling.”

Masaya naman daw si Agot na palagi siyang naisasama sa mga projects ng Cinemalaya.

Aniya, “Any Cinemalaya project is an honor for me to do.

“So I’ve been doing Cinemalaya films… ilan ba?

“I think dalawa and then this is my third, pero Directors’ Showcase.

“Always, ‘pag indie film, support naman ako dun.”

[crystalblast]

PEP.PH
March 8, 2012

...

Nakatakda ring gawin ni Janice ang isang indie film para sa Cinemalaya to be directed by Joey Reyes. Matatandaang kasali rin si Janice sa Zombadings, isang entry rin sa Cinemalaya last year.

"Meron din akong gagawing movie for Cinemalaya kay Direk Joey R [ang tawag ni Janice kay Direk Joey], kasama ko sina Judy Ann Santos, Agot Isidro, at Iza Calzado.

"Mahirap tanggihan si Joey R, mahirap yung sked ko, pero si Joey R 'yan, e."

Kahit maglalagare si Janice sa isang indie movie at isang mainstream film, wala raw siyang nakikitang pagkakaiba sa konsepto ng indie at mainstream cinema.

...

[crystalblast]

Judai, Iza to star in indie film
ABS-CBNnews.com
Posted at 02/21/2012 6:04 PM | Updated as of 02/21/2012 6:04 PM

MANILA, Philippines -- Actress Judy Ann Santos has started shooting her first independent film, "Mga Mumunting Lihim," for director Jose Javier Reyes.

Santos said she cut her usual talent fee to do the project, which also stars Iza Calzado.

"Dream ko talaga 'to. This is it... for the love of everyone," she said with a laugh.

Santos and Calzado play friends in the movie, which revolves around the secrets behind the death of Santos's character.

But Santos clarified that she doesn't play a ghost in the film.

"Babalik lang ako ng babalik sa voiceover and flashbacks dahil ang dami kong sikreto sa diary na malalaman nina Iza," she explained.

[crystalblast]

MGA MUMUNTING LIHIM
(CINEMALAYA ENTRY) JULY 20-29, 2012
INITIAL MML TEASER
OFFICIAL MML FACEBOOK PAGE

[mondee]

ang ganda ng poster

[crystalblast]

[crystalblast]

Iza Calzado waives talent fee for new film
ABS-CBNnews.com
Posted at 06/29/2012 5:01 PM | Updated as of 06/29/2012 10:40 PM

MANILA, Philippines -- Actress Iza Calzado has waived her talent fee for her first indie film.

Calzado said she and co-star Judy Ann Santos declined to be paid for their roles in "Mga Mumunting Lihim," which is an entry to the 2012 Cinemalaya Philippine Independent Film Festival.

"Hindi talaga kami sumingil, for the love of Cinemalaya, for the love of direk, at kumbaga suporta," she told ABS-CBN News.

The Jose Javier Reyes-directed film is Calzado's first venture into the annual independent film festival.

"Kauna-unahan kong pelikula sa Cinemalaya, kaya masaya ako, excited ako na maging bahagi nito. At syempre mas masaya ako dahil ang mga kasama ko sa pelikula ay mahuhusay na aktres na ... I think si Juday first niya rin 'to sa Cinemalaya," she said.

'Personal script'

Aside from Santos and Calzado, "Mga Mumunting Lihim" also stars Janice de Belen and Agot Isidro. The four play a group of friends who face struggles in their relationship with one another.

"It's also Direk Joey's first Cinemalaya," Calzado said of the film, "And it's a script that's very personal to him, so it's an honor to play the part of Carla."

"Mga Mumunting Lihim" is set to compete in the Director's Showcase category of the Cinemalaya film festival, which will have a 10-day run at the Cultural Center of the Philippines from July 20-29.

[crystalblast]

Posted on July 02, 2012 06:53:09 PM
Cinemalaya expands; to be shown in TriNoma

After expanding its screenings to Greenbelt 3 in Makati last year, the Cinemalaya Independent Film Festival hopes to reach even more viewers this year as it adds TriNoma Mall in Quezon City as another venue to showcase its movies.

Chris B. Millado, festival director said Cinemalaya will have simultaneous screenings at the Cultural Center of the Philippines (CCP), Greenbelt 3 and TriNoma from July 20 to 29.

"The addition of TriNoma as a third major venue for the festival is part of the vision of Cinemalaya organizers to make the festival more accessible to the growing number of audiences that attend this annual film event," Mr. Millado told reporters last Thursday.

Now on its eighth year, Cinemalaya will feature 25 films in competition, including 10 each from the festival’s main competition categories namely the New Breed full-length feature and short feature, which both showcase works by new directors.

Five other movies will be competing in the Director’s Showcase category. Now on its third year, the Director’s Showcase is a completion of works by established directors who have already done more than five movies for commercial release.

"After eight years of producing and presenting excellent and engaging films, the Cinemalaya Philippine Independent Film Festival is the leader among Indie Film Festivals and has inspired the creation of other festivals that encourage the new voices, new ways of telling stories," Mr. Millado said. "Cinemalaya has left an indelible mark in the landscape of Philippine Cinema and continues to do so year after year," he added.

THE FILMS

A project of the Cinemalaya Foundation, the CCP, the Film Development Council of the Philippines, and Econolink Investments, Inc. of businessman Antonio O. Cojuangco, Jr., Cinemalaya is an annual all-digital film festival that aims to "discover, encourage, and honor cinematic works of Filipinos filmmakers that boldly interpret the Filipino experience with fresh insight and artistic integrity."

Ten films will compete in the New Breed full-length feature category. These are: Aparisyon by Vincent Sandoval; Ang Katiwala by Aloy Adlawan; Ang Nawawala by Marietta Jamora; Mga Dayo by Julius Sotomayor Cena; Diablo by Mes de Guzman; Intoy Syokoy ng Kalye Marino by Lemuel C. Lorca; Oros by Paul Sta. Ana; Requieme! by Loy Arcenas; Santa Niña by Emmanuel Quindo Palo; and The Animals by Gino M. Santos.

The 10 finalists in the category each received a seed grant of P500,000 from the Cinemalaya Foundation.

The Best Full Length Feature Film will receive a prize of P200,000 and the Cinemalaya Balanghai Trophy during the Cinemalaya Awards Night, which will be held on July 29 at the CCP Main Theater.

The 10 films in the short film category are: Ang Paghihintay sa Bulong by Sigrid Andrea P. Bernardo; As He Sleeps by Sheron Dayoc; Balintuna by Emmanuel Escalona, Jr.; Bohe Sons of the Waves by Nadjoua Bansil; Manenaya by Richard Legaspi; Pasahero by Mario Celada; Ruweda by Hannah Espia; Sarong Aldaw by Marianito Dio, Jr.; Ulian (Senility) by Chuck Gutierrez; and Victor by Jarell M. Serencio.

The winner in this category will receive a prize of P100,000 and the Balanghai trophy.

Five films will vie in the Directors Showcase. These are: Bwakaw by Jun Robles Lana; Kalayaan (Wildlife) by Adolfo B. Alix, Jr.; Mga Mumunting Lihim (Those Little Secrets) by Jose Javier Reyes; Posas (Shackled) by Lawrence Fajardo; and Kamera Obskura by Raymond Red.

The finalists of the Directors showcase each received a seed grant of P500,000 from the Cinemalaya Foundation. The Best Film in the category will receive a prize of P300,000 and the Balanghai Trophy.

OUT OF COMPETITION

Aside from the movies in competition, as many as 60 movies will be screened in this year’s festival including the films of the late director Mario H. O’Hara.

Mr. Millado, who is also CCP’s vice-president and artistic director, said Cinemalaya will have a retrospective of Mr. O’Hara’s works as an actor, screenwriter, and director. Mr. O’Hara died of leukemia on June 26. He was 66.

Among his films that will be screened are: Tubog Sa Ginto (1971); Tinimbang Ka Ngunit Kulang (1974); Tatlo, Dalawa, Isa (1974), Insiang (1974), and Babae sa Breakwater (2003).

Aside from the O’Hara tribute, Cinemalaya will also have a retrospective of vintage and rare Filipino film ads from the collection of art patron Danny Dolor.

The festival will also have a special section this year called "Early Indies" devoted to pioneering independent movies by Raymond Red, Kidlat Tahimik and Rox Lee, among others. Veteran filmmaker Nick de Ocampo will curate the section.

Cinemalaya will also screen documentaries this year, including Michael Collins’s Give Up Tomorrow, which won the Heineken Audience Award winner at the last year’s Tribeca Film Festival. It tells the story of Paco Larrañaga, who was arrested in 1997 for the kidnap, rape and murder of two sisters in Cebu.

Another documentary that will be screened is Dance Of My Life, which traces the life of Brazil’s Filipino Carnival Queen Bessie Badilla from her childhood in the Philippines to her years as a supermodel in Paris, and her battle with cancer.

Meanwhile, Mr. Millado said Cinemalaya will also conduct the Made in the Philippines 2012 Film, Animation and Gaming Congress, which will be led by Ralph Guggenheim of Pixar Animation Studios, who produced the Hollywood animated feature Toy Story.

Alongside the festival, Cinemalaya will also hold the 2012 Manila Film Financing Forum, which is a business meeting to look for practical solutions to film financing and distribution.

They will also hold the Cinemalaya 2012 Independent Film Congress, which aims "to engage in a spirited dialogue on the dynamic interaction between the independent and mainstream cinemas," said Mr. Millado.

For ticket information and screening schedules, call the CCP Box Office at 832-3704 and CCP Media Arts at 832-1125 local 1204/05 or visit the CCP Web site at www.culturalcenter.gov.ph and www.cinemalaya.org.

-- Jeffrey O. Valisno

[crystalblast]

Iza Calzado
STAR CIRCUIT
By Ricky L. Calderon
(The Freeman)
Updated July 04, 2012

It’s a big deal for Iza Calzado that she has an entry to this year’s Cinemalaya Independent Film Festival set to premiere on July 20 at the CCP Main Theater.

Iza is one of the lead actresses in the movie “Mga Mumunting Lihim” which is written and directed by Jose Javier Reyes and is included in the Directors’ Showcase segment of the competition. Joining Iza in this movie about friendship are Judy Ann Santos, Agot Isidro and Janice de Belen.

“I say it’s a big deal because Cinemalaya is the first indie film festival of its kind in the Philippines. A lot of beautiful movies with interesting stories are featured in Cinemalaya every year. For an actress, it’s good to say that I was once a part of Cinemalaya,” said Iza whose movie “Dukot” was an entry in Cinemalaya and the said film won for her the Best Actress Award at the Golden Screen Awards.

She enjoyed working with Direk Joey Reyes when they did a new “Working Girls” film (which was not a sequel to the Ishmael Bernal classic) and Iza is excited to work with him again.

“If you are an actor who is used to doing mainstream movies, you yearn to do an indie film for Cinemalaya because you might stumble on a very good script. I am not saying that TV soaps or mainstream movies are not good but sometimes there are a lot of compromises that you have to think of image-wise or because you are concerned if the TV soap would rate or if the mainstream film would make money. With a Cinemalaya project, there are no (such) concerns. No need for adjustments. There is more artistic and creative freedom,” she said.

Iza said she has been wanting to do a project for Cinemalaya but she was looking for a good project. Luckily, Direk Joey offered her “Mga Mumunting Lihim.” Besides, she had the time to do it. Since she just transferred to ABS-CBN, the soap opera that she’s supposed to do for the Kapamilya network is still being prepared thus giving Iza time to do this movie for Cinemalaya first.

Meanwhile, Iza and her manager Noel Ferrer is leaving for Barcelona, Spain this second week of July for the Metro Magazine anniversary shoot and for Japan for the Uniqlo shoot (Iza is one of the celebrity endorsers of the clothing brand) but she will be back for the Cinemalaya festival.

[crystalblast]

PEP.PH
July 4, 2012

"I am so happy to be a part of Cinemalaya this year and to do a film, na sa napakatagal na panahon ko na sa pagdidirek, I must say this is the first time I really felt independent—as to my choice of material, the cast, the staff, and everyone involved.

"Kanina nga, when we're up the stage, kasama ko ang ibang directors, naisip ko, 'Naku, ako ang pinaka-senior!'" natawa si Direk Joey.

Joey's Mga Mumunting Lihim is competing against the other Directors' Showcase entries: Jun Lana's Bwakaw, Adolf Alix, Jr.’s Kalayaan (Wildlife), Raymond Red's Kamera Obskura, and Lawrence Fajardo's Posas (Shackled).

Patuloy ni Direk Joey, "Doing an indie film is a breather for any director na nasanay gumawa ng mainstream movies.

"Ang sarap gumawa ng ganitong klaseng film, na you're free to tackle any subject or tell a story your own way, without thinking of what your producer would tell you—na baka hindi kumita.

"As a director, somehow, you feel you ought to do something different.

"It's both a privilege and a responsibility.

"A privilege to be a part of this prestigious festival of independent films.

“At the same time, it's the responsibility of the filmmaker to his audience to give them something new, instead of the usual formula movies na talagang nakakapagod nang gawin.

"Ibang klase talaga ang experience na ito, of doing an indie film.

"At para sa akin, Cinemalaya is not a competition but more of a camaraderie.

"It's an experience that is worthwhile and liberating!"

MAINSTREAM CAST. Tampok sa pangunahing mga papel ng apat na magkakaibigan sa Mga Mumunting Lihim sina Judy Ann Santos, Iza Calzado, Agot Isidro, at Janice de Belen.

Higit na identified sa so-called mainstream projects ang apat, kaya nagpapasalamat si Direk Joey na tinanggap ng mga aktres na ito ang alok na gumawa ng indie film entry niya.

"Initially, I had Judy Ann, Iza, Agot, and Eugene Domingo," revealed Joey.

"E, si Eugene, she's busy naman with everything, so she couldn't do it—as much as she said that she'd love to do the film.

"Nung hindi pumuwede si Eugene, nag-isip ako, sino ba ang puwedeng pumalit sa isang Eugene Domingo?

"There were suggestions as to who might fit the role. But when finally I thought about this actress, ‘Ay, yun na!’

"Janice de Belen perfectly fits the role!

"I contacted her and told her about the project, walang dalawang salita sa kanya.

"You'd be surprised 'pag napanood n'yo siya. Ibang-iba si Janice de Belen sa Mga Mumunting Lihim!

"Talagang total change of personality, na hindi mo ine-expect— loudmouthed, nagmumura siya dito, masama ang bibig!

"With Juday, wala ring naging problema. Hindi nga siya nagtanong kung anong role niya at kung magkano ang talent fee.

"Of course, Agot and Iza are also dear to me, kaya walang problema, basta okey ang schedule nila.

"It was a pleasure working with the four actresses for my first indie film.

"Sana makagawa pa ako ng maraming indie films," pag-asam ni Direk Joey.