Share SCARY Pinoy Ghost Stories! Thread 2

[jazzmine22]

Istarbaks, natawa naman ako sa kwento mo


Regarding that, ako din kasi, may mga ganyang moment, yung kasama ko bigla na lang sasabihin "Anong sabi mo?", kahit wala naman akong sinasabi, so feeling ko din, ganyan, may narinig sila, na hindi ko narinig.

[childnytz]

up tau dito.. hi childnytz?

hello ..

[childnytz]

no worries. madalang ka lang siguro dito sa pex tulad ko pabasa basa lang pakonti konti kasi bihira nalang mga nagpopost ng ghost stories. lol. I don't believe in ghost pero masaya lang magbasa lol. Pero sa bahay ng kaibigan ko marami nagpapakita sa kanila pero pag andun ako wala naman ako nakikita pero mejo creepy nga yung bahay nila.

hehehe.kaya nga minsan lang ang post dito.. kahit ako mismo di naniniwala..hahaha kasi kahit paramdam o anuman kahit sa cementeryo kami wala talaga ..hahahaha.. sa buhay na tao dapat matakot .. Haha

[soullois151217]

wala nagpopost sige pupulot ako...


--mamaya na pala haha

[baldo!]

ako rin saka na backread muna, salamat sa mga nagshare

[nash2589]

^ Nash, lahat ng pinag dutyhan kong ospital, laging may horror stories, ilang beses na akong naka encounter ng pasyente, nagpapalipat ng room, kasi may kakaiba daw doon sa room na napasukan nila.

Ang pinakanakakatakot for me, eh yung isang batang pasyente, sigaw ng sigaw, at may maitim daw na nakatayo doon, pasok kaming mga nurses, wala naman doon sa tinuturo nung bata, grabe kilabot ko noon.

Notorious talaga ang ospital na yun, dati nga, nung papasok ang isang kasamahan ko sa work sa pintuan ng patient's room, sabi nung pasyente:

"Alam mo nurse, kada papasok ka dito, may nauunang kumakatok, at nauunang pumapasok, pag labas mo naman, kasama din siya, hindi naman mukhang nurse".

Omaygawd, natindig balahibo ko while typing.

Sabi nga nila .. ang mga multo daw nasa Hospital at wala daw sa sementeryo.


Ngayon ko lang naalala yung horror story namin sa Veterans Memorial Medical Center .. na confine kasi yung lola ko dun..


Yung tita ko naligaw dun kasi pare pareho yung itsura ng hallway haiehahahah ! kumbaga kahit walang multo eh matatakot ka kasi nakakatakot talaga yung lugar..


Nandun kami sa ward ng lola ko tapos sabi niya..

"Nurse , paki sara yung bintana doon at saka doon..(tinuturo yung bintana na malapit sa amin) ...

Nurse : Bakit ho ? nilalamig po ba kayo?

Lola: Hindi , para kasing may nakatayo akong nakita kanina.."


Nasa 3rd floor ata yung ward namin nun.

[eureka_07]

may gusto akong i-share kwento lang ng mga kapatid ko pag uwi ko ng Pilipinas this March 2012 lang.

ang kwento nila, namatay yung pinsan ng Nanay ko biglaan lang, first cousin ng mama ko pero halos kasing edad lang ng panganay namin at yung bunsong kapatid ng mama ko. So, magkaka barkada na sila ng kapatid ko at yung bunsong kapatid ni mama.
It was 2005 when the youngest sister of my mother died due to blood poisoning. then 2012 namatay naman yung pinsan niya.

Ang kwento pala, nung mga bata pa sila, nagkaroon sila ng sumpaan na kung sinuman ang mauunang mamatay, ay susunduin nila ang isat-isa. Ang kwento, madalas daw dalawin ng Auntie ko itong kaibigan nia. Mamasyal daw sila sa isang lugar na napakaganda,parang paraiso. Then , sasamahan ng Auntie ko sya pabalik sa real world.

Isang araw, kinuha ulit daw sya ng auntie ko, pero ngayon, bigla na lang daw nawala ang auntie ko at naiwan syang mag isa, hindi na nia alam pagbalik. back to the real world, natagpuan na lang syang patay ng asawa nia, nakalabas pa nga ang isang dede kasi nagpapa breast-feed pa sya nun sa 7 day old na baby pa nia.

ang creepy part pa nito, ang nagkwento nito sa amin isa din na first cousin ng mama ko na kasing edad lang nila at kabarkad niya. Dinalaw nga daw sya sa panaginip nito , at dun nagkwento sa kanya. ang sabi pa nga nia, "anong, ginagawa mo dito, diba patay ka na?" sumagot daw , hindi naman daw talaga sya namatay. nung bumalik na kasi sya sa katawang lupa nia, may sugat na at di na sya pwedeng bumalik. ( naembalsamo kasi agad ang kanyang katawan)

kwento pa nga ng mga kapitbahay nila, hanggang ngayon , nakikita daw nila parang silhouette lang ng isang mag-ina na karga ang bata sa loob ng kwarto nila. at yung sinundan ng bunso nila, naririnig nila na nagsasalita ng "mama, andyan ka na?" tapos makikita yung bata na masayang masaya at bigla na lang iiyak at magsasalita na naman na papa tawagin mo si mama..aalis na sya

madalas syang magparamdam sa panginip. Minsan ang ama naman nia ang dinalaw sa panaginip. Sinabi nga na puntahan daw sya sa sementeryo para buhayin.

medyo mahaba ang kuwento. sana nagustuhuan ninyo

[mcsky258]

^feeling ko tama to. Kasi ganito nararamdaman ko pag nagaganyan me. Natataranta lang ako madalas kaya pinipilit ko tumayo. Papraktisin ko to hahaha. Kaso anong benefits nyan pag marunong ka? Next level ba nyan astral projection?

hello po, magkaiba po ang SLEEP PARALYSIS( hindi makahinga/makatayo na parang may naka dagan habang binabangungot) sa LUCID DREAMING(pagkontrol ng panaginip sa pamamagitan ng pagsasanay).

[jommuel]

got another one..

sa dating condo ko. sa evangelista makati. yung pinaka malaki at pinaka lumang condo dun. yan *** dating condo ata ni sharon cuneta. meron dyan 2 elevators gumagana. yan *** main elevators ng condo. minsan isa *** gumagana kac nga lack of maintenance.

nasa 23rd floor ata nun then sa 2nd floor may mga mini stores and arcades. one time around 10pm, kasama ko bumaba going to 2nd floor to buy something. may kasama sya sa elevator that time (little boy 5-6 yrs old with his daddy, isang girl and kasama ko sa condo) 4 sila sa loob ng elevator. when they got to 13th or 14th floor i think, biglang bumukas ang door ng elevator pro walang pumasok. dami kac minsan nag ttrip dyan na pindutin *** ang button ng elevator every floor. :-). then nag close *** door. tapos *** little boy nakatingin sa likod at sa taas sa loob ng elevator. may tinuturo sya pro hnd nag sasalita. "that's according to my ex-condo mate" then nag ask daw dad nya kng ano un but he never said anything. pag dating sa 2nd floor, pag baba nila.. nag ask daw ulit dad nya kng ano daw *** tinuturo nya..

sabi ni little boy.. meron daw babae sa taas, naka bigti daw sya..

ayun :-)

http://www.tipidpc.com/ratings.php?username=GIGAM25

[badkarma4u]

Hindi naman sya masyadong nakakatakot pero hanggang ngayon ganun pa rin ang nangyayari.

Nung lumipat kami sa bahay na tinitirhan namin ngayon, bago kami napunta dito nagkaroon ng pangyayari.

May lalaki na niloko ng kumpare nya tungkol sa pera, lahat halos ng pera nya nakuha ng kumpare nya kaya ang ginawa ng lalaking naloko sa sobrang galit inabangan nya yung kumpare nya sa may kalsada, duon pinatay nya yung kumpare nya at inilabas yung bituka at ikinalat nung lalaki sa kalsada.

Two years na nangyari yun bago pa kami lumipat. Hindi ko alam yung istorya na yun hanggang everytime na umuuwi ako at napapadaan sa lugar kung saan pinatay yung lalaki ang weird sa pakiramdam at parang may nakatitig sa'yo. Hanggang isang gabi uli na dumaan ako duon may narinig ako na umuungol na parang sobrang nahihirapan at hindi ko maipaliwanag ang kilabot ko noon sa katawan. Hanggang sa nagawa ko ng tumakbo pauwi.

Hanggang isang beses nakipagkwentuhan ang nanay ko sa mga kapitbahay at nalaman nya yung nangyari na yun two years ago about sa magkumpare. At eto pa, everytime na may dumadaan duon na kalabaw sa lugar na yun (malapit kasi sa bukid yung lugar namin.) umiiwas yung kalabaw sa lugar kung saan napatay yung lalaki.

Simula nung malaman ko yung kwento at marinig ko yung ungol na yun at sobrang gabi na ako umuuwi kahit mahal nag-aarkila na lang ako ng tricycle.

[jdlansang]

more!

[poor_prince]

hindi naman totoo mga multong yan. kalokohan lang. tinatakot lang ninyo sarili ninyo.

[gerd10]

hindi naman totoo mga multong yan. kalokohan lang. tinatakot lang ninyo sarili ninyo.

kaibigan hindi lahat ng nagpopost at nagbabasa dito naniniwala sa multo. kagaya ko, ako mismo d ako naniniwala sa multo gusto ko lang magbasa ng mga weird/supernatural experiences ng mga pexers dito.

salamat nga pala sa mga nagcocontribute.

[badkarma4u]

eto pulot lang.

‎~ from: MALIKMATA (Google)

"Tulay"
(heehee_20
Sleepy Mummy)

Ang kwentong ito ay naikwento lang sakin ng aking lolo ngunit napatunayan ko sa pamamagitan ng pagtatanong sa aking mga kamag anak na nakatira malapit sa nasabing tulay. Heto ang kwento niya...

"Hoy! Lakad na!" sabi ni Berting na galit na galit sa kanyang sinasakyang kalabaw. "Tinopak na naman ata tong kalabaw ko..." nasabi ni Berting sabay kamot sa ulo. Bumaba si Berting sa kalabaw nang mapagtanto na ayaw talaga gumalaw ng kalabaw niya. "Anak ng putakte naman o!" naisigaw ni Berting sa init ng ulo. Makaraan ang ilang minuto ay napagalaw niya ang kalabaw. Tinahak na nila ang makahoy na daanan papunta sa kanilang bahay na makalagpas lang ng ilog. Umihip ang malamig na hangin at napaakap sa sarili si Berting sa lamig. Napagtanto na niya na matagal na silang nasa daan ngunit hindi pa rin makarating sa paroroonang tulay. Nag iwan siya ng batong may palatandaan sa kanilang hinintuan atsaka tumuloy. Isang oras na ang makalipas ng paglalakbay ay napansin niya ang batong iniwan niya kanina sa kanyang hinintuan. Napag isip nito si Berting na nagtataka kung bakit hindi siya makarating sa bahay at parang paikot ikot lang siya. Natandaan niya ang sabi ng mga matatanda sa kanilang baryo," Kung ikaw ay hindi makarating sa paroroonan at sa tingin mo ay umiikot ka lang, tinitikbalang ka. Baliktarin mo ang iyong suot na damit atsaka muling tahakin ang daan...". Kaagad na naghubad ng damit si Berting atsaka sinuot ito nang pabaliktad. Tinahak nya ulit ang madilim na daan at napatingala. "Ang ganda ng buwan! Bilog na bilog!", namangha siya sa bilog at maliwanag na buwan. Ilang minuto ang nakaraan at nakikita na niya ang tulay. "Salamat sa Diyos! Makakuwi na rin ako..." napabuntong hininga siya pagkatapos sabihin ito. Nagulat na lang siya ng makarinig ng tunog ng pagpukpok ng kawayan. Napatingin siya sa malapit lang na bato. May nakapatong ritong putol na kawayan. Dahan dahan niyang pinalakad ang kalabaw. Nalagpasan na niya ang kawayan ng bigla itong gumalaw mag isa at ipinalo agn sarili nito sa bato! "Put@ng ina mo! Hindi mo ako matatakot sa ganyan ganyan lang!", nagmamatapang na sabi ni Berting. Huminto ang Kawayan at tinuloy ulit niya ang paglalakbay. Nang makarating sa tulay, nakarinig naman siya ng iyak ng sanggol. Nagsimulang kabahan si Berting. Nagmadali siyang makatawid dito ngunit sa kalagitnaan nito ay napahinto ang kalabaw niya. May nakaharang na kabaong sa kanyang daanan! Nakalutang ito ng ilang dangkal mula sa sahig ng tulay. Pumikit si Berting at pinakaripas ang kalabaw. Alam niya na tatamaan niya ang kabaong ngunit sa takot ay ipinamwalangbahala niya na lang iyon. Minulat niya ang mga mata niya at nakiramdam sa paligid. Nanindig ang kanang balahibo dahil sa likod nila ng kalabaw niya ay ang kabaong na kanyang nakita! Pinatakbo muli niya ang kalabaw nang maramdamang sumusunod ang kabaong. Nakarating siya sa bahay na hingal na hingal at pawis na pawis. Nagtanong ang kanyang mga magulang kung anong nangyari at isinalaysay niya ito. "Sabi ko sayong wag ka magpapakgabi sa bayan eh. Yan ang napapala mo. Hindi mo ba alam na doon itinatapon ang mga nagamit na kabaong at mga patay na sanggol? Pag gabi ay huwag na huwag na dadaan ka doon. Suwerte ka at buhay ka pa samantalang ang iba ay namamatay sa atake sa puso." Nanglambot si Berting sa narinig. Hinding hindi na siya dadaan dun lalo na pag gabi. Mas mabuti na hindi umuwi at matulog sa daan kaysa mamatay sa sindak sa kinatatakutang tulay.

[charuz]

Hindi raw totoo ang mga multo. Mga demons daw sila na nagpapanggap lang. You know. Posers.

[jdlansang]

More!!!

[jazzmine22]

Nash, ahhh, nakakakilabot naman, flying ghost LOL.


Na enjoy ko na naman basahin ang latest stories, hirap na naman ako matulog mamaya nito, haha.

[badkarma4u]

by: Caddy

"kwentong aswang"

noong bata pa ako, marami na akong naririnig ng kwento tungkol sa mga aswang at maligno,

ewan ko pero tlgang lumaki ako na may paniniwala sa asawang at maging ako ay nag karoon ng

karanasan na makasalamuha at makakita ng aswang, noon nararamdaman ko lang na mayroon

aswang sa paligid, lagi silang lumalapit kapag ang bahay ay maroon may sakit o malubhang

karamdaman, maririnig mo na lang na prang may kung anung dumadaing sa gilid ng bahay o di

kaya may hayop na kakaiba ang huni tulad ng baboy na humihinga sa labas ng bakuran mo, kahit

alam mo na walang nag aalaga ng baboy sa mga kapitbahay mo, noong bata pa ako, nakakita ako

ng mga pulang mata sa taas ng punong mangga sa gilid ng bahay namin, may sakit ako noon at

napakataas ng lagnat ko, ng sabihin ko sa nanay ko ang nakita ko agad na nagsaboy ang nanay

ko ng asin at minura nya sinabi nya pang kilala kita, at biglang narinig ko ang malakas ng ingay na

parang pinunit na maong, at ingay ng dahon ng mangga, sabi ni nanay pag lipas ng ilang sandali,

bumaba na ang lagnat ko. kakatwa diba,

sabi ng lola, may dalwang uri daw ng aswang . yung lakad at yung lipad, yung lakad sila yung nasa

mga silong ng bahay at gilid gilid ng eskinita, at yung lipad naman ay yung nasa mga bubong ng

bahay, sabi nila kapag naunahan mo ng tingin ang aswang makikita mo sila ngunit kapag kumurap

ka bigla itong mawawala, college yrs ko ng umuwi ako ng late galing sa gimik mga 2am na yun,
ang

nanay ko pala ay may sakit pero sya pa rin ang nagbukas ng pinto, at sa sofa na lang sa sala ako

nahiga sa tapat ng kwarto ng ina ko, nang bigla akong maalimpungatan na may nakatayo sa harap

ng kwarto ng nanay ko, nagulat ako hindi ako makakilos, para akong nabangungot, nakita ko ang

aswang sa harap ko sumisigaw ako pero wlang lumalabas na tinig sa aking bibig, hanggang pinilit

ko ihulog sa sofa ang katawan ko at bigla syang nawala, kilala ko ang aleng nakatayo sa harap ko,

ang pula ng mata nya na parang may eyebag na maitim sing itim ng uling, kilala ko sya kse tropa

ko ang apo nya, at ang damit na suot nya ang madalas nyang suot, patok na aswang sya sa aming

magkakamag anak kse pamilya namin ang una sa lugar namin at kilala namin lahat ng mga

dumadating na tao, at nakita na rin sya ng tyahin ko, nag anyong aso sya madalas pero ang

tsinelas yun pa rin, makapangyarihan ang aleng iyon, batiin ka lang niya sasakit ang tyan mo,

minsan nagkagulo ang mga tambay na adiktus sa aming lugar, may aswang daw,. aso" daw pero

napalo daw ni dongsy sa likod malaks daw ang pagkakapalo nya, ang aswang kasi kung papatayin

mo daw sa likod mo dapat tirahin dun sa lugar na hindi maaabot ng dila nya kse kapag nalwayan

nya iyon gagaling daw, iyon daw kse ang healing powers nila, ang matandang iyon ay nagkasakit

ng malubha at hindi na nakabangon, so positive diba sya ang aswang...

pero sabi nila mamatay lang ang isang aswang kapag may napagpasahan na siya ng kanyang

pagiging aswang, .....kaya sa ngayun patay na sya...so sino kaya sa mga apo nya ang

napagpsahan nya ng pagiging aswang baka yung tropa ko na......

[badkarma4u]

pulot pa uli

by: Caddy

‎=SALAMIN=

Ito ay kwentong kakakilabot nuong nasa highschool pa ko. Kinuwento ‘to nung

teacher namin sa school! Isang highschool ito dito sa maynila sa may valenzuela. May

kwento kasi sa school na may namatay raw dun na dating estudyante tapos nadulas sa

hagdanan, un ang ikinamatay. Nakasara na yun bago pa dumating si Ma’am Mia. May

mga estudyante ring nagsasabi na nagpaparamdam ito sa gabi kaya pinapayuhan lahat na

kung maari ay wag magpapagabi ng husto.

“Oh Mia, ndi ka ba sasabay sa min pauwi?” tanong ng isang guro

“naku, may tatapusin lang ako. Kelangan na kasi to bukas ng umaga eh!” balisang

sagot ni Mia habang inaasikaso niya ang dapat matapos

“Basta huh, wag kang paabot ng alas-sais kung pede....” pag-aalalang sinabi ng

guro

“Oo, sige..” sagot ni Mia na talaga namang busy sa ginagawa niya

Alas-singko y medya na, nag-umpisa nang magtago ang araw sa lupa. Halos,

nagsisiuwian na rin ang mga estudaynte at mga guro sa school, na para bang tila ni isa sa

kanila ay ayaw abutan ng dilim sa iskwela. Pero sa loob ng faculty ay andun pa din si

Mia at busy pa rin sa ginagawa nya. Di nya napapansin ang anumang nasa paligid na

ingay..wrrree-eecck-ckkk! Ingay ng pinto dahil sa rupok ng saraduhan.

Pero baliwala ito sa teacher namin eh, si Ma’am Mia ba. Nang biglang makaramdam si

Ma’am Mia ng malamig na hangin na dumampi sa balat nya at galing ang hangin sa labas

iyon na dumaan sa bintana, woo-ooosh, at dun nya napansin na alas-sais pasado na pala.

“Ano ba yan..teka nga, matatapos na ako eh.” sabi nya sa sarili nya nang biglang

parang may mahinhing kumalabit sa kanang balikat nito at mapalingon siya....

“Sus, tinatakot ko lang sarili ko..”paglalakas loob nyang sinabi sa sarili para hindi

sya matakot. Pinakiramdaman niya iyo at unti-unting tumaas ang balahibo niya dahil

wala namang tao ruon kungdi siya lang. Tapos nun ay nag-ayos na sya ng gamit nya para

umuwi.

Ang corridor na dadaan nya ay mahaba. May tatlong hagdanan ito; ang nasa

dulong diretso at ang labasan, may hagdanan sa gitna papuntang third floor pero

nakakandado na ito dahil sa pangyayring aksidente na ikinamatay ng isang estudyante,

tabi ito ng libary; at ang isa pang hagdanan pababa na malapit sa faculty ay sarado na rin.

Lumabas na ng faculty si Mia at kinandado na nya ito. Ang

corridor ay tahimik na, wala na ang maiingay at magugulong estudyante tuwing umaga.

Halos dalawang ilaw nalang ang bukas at ang isang ilaw ay halos pundi na kaya ito ay

bukas-sindi. Diretso lang ang tingin nya na para bang wala siyang ina-alala. Nang di

sinasadyang pahapyaw syang napalingon sa salamin na kunwa ay sinilip ang sarili kung

maayos pa ang hitsura nya.

Nanlaki nalang ang mga mata ni Mia nang may mapansin sya sa salamin at

naging hudyat para tumakbo sya sa takot.

“Ahhhh--aa-aa--hhhhh!!!” at kumaripas na siya ng takbo nang makita nya kung

ano ang nasa salamin--ang reflection nya na nakatayo at titig sa kanya.

opps..kinuwento lang yan sa kin ng fwend ko. Naniniwala ako sa mga mumu pero yoko makakita kahit isa o paramdam...at baka nayahaha!!!

[badkarma4u]

by: Caddy

‎"may third eye ang anak ko"

Hindi ko akalain na ma-experience ko ang lahat ng ito. Normal ko naman ipinagbuntis ang anak ko. Ang kakaiba lang sa kanya ay super likot nya sa tyan ko, saka naniniwala kase ako na pag kinakauusap daw ang baby sa loob ng tyan ay nagiging matalino. So ako basa ako ng basa ng libro, mga short stories, nakakatuwa at super natural na din. Favorite ko basahin ang pugad baboy. Naging totally pregnant reader talaga ako kase bed ridden ako, gusto kase nya(nung anak ko na lumabas na agad) kaya ang ending pinag bed rest talaga ako.

Nung, I gave birth to my son, he was so healthy, saka may takip daw na parang plastic ang ulo nya. At super cute ng anak ko seyempre naman ako yata ang ina (lols) at habang nalaki sya. Nag 3 mons sya, inde naming sya mailapag pag tulog, kase mag iiyak na siya ng walang tigil na para bang may kinatatakutan, sabi ng mother ko baka may kabag daw. Kaya ang gagawin ko pabu-burp ko sya, tapos makakatulog na sya, at hahayaan ko na siyang makatulog at wala na akong nagagawa kundi bantayan ang anak ko, buti nga at sa bahay ng magulang ko pa kami nakatira ng asawa ko. Laging ganon, inde ko sya maibaba pag tulog na tapos sa gabi naman ay lagi siyang gising. Natigil lang yon nang lumipat kami ng house sa Calamba, Laguna. Naging ok ang anak ko don naibaba ko sa sya sa duyan habang siya ay tulog hanggang sa mag one year old na siya.

Until bumalik ulit kami dito sa san Pablo, mag 2 years old na siya, at ganun na ulit ang nangyari and this time nag sasalita na sya, at sinasabi nya sakin na “mama mimaw…mimaw (means halimaw, may monster daw) itinuturo nya ang likudan ko nadon kami sa likod bahay naming, marami dong puno, lanzones, langka, santol, mangga at marami pang iba. Sa puno ng santol lagi siyang nakatingin at sinasabi nya may mimaw daw doon. Pero hindi ko yon pinapansin kase sabi nga ang bata ay talagang may kakulitang taglay. Hanggang mag 3 years old na siya, nag lalaro sila ng kanyang papa ng baril-barilan, nag tago ang papa nya sa likod ng punong santol, binaril sya kunyari ng anak ko. Tapos sumunod yung anak ko naman ang nag tago sa likod ng puno ng santol. Nung medyo hapon na ay dumaing ang anak ko na masakit ang kanyang paa. At hindi na siya nakalakad, dinala naming siya sa mang-gagamot na sinasapian ng Santo Niño, ang sabi kanatuwaan daw ng nuno, at para lang siyang nagdahilan, nakalakad na muli ang anak ko. Hindi na naming siya pinapupunta sa likod bahay naming, kase matabil daw ang anak ko kaya kinatutuwaan siya.
Super makwento talaga ang anak ko, at saka marami ang natutuwa sa kanya. Marunong kase makipag usap sa tao I mean hindi siya nahihiya, ma PR sabi nga ng iba, mana sa kanyang ama na palabati.

Nang mag kinder ang anak ko ay nilagnat siya ng mataas, at nag suka siya. May parang kinatatakutan siya, nalaman ko na lang na naglaro pala ulet siya sa likod bahay pinatuka daw niya ang alaga niyang manok na si Plouni. Dinala ulet namin siya sa manggagamot at sabi ay nabati naman daw, pero may galaw din, kaya hindi na talaga naming siya pinapayagan na pumunta sa likod bahay naming, ang house kase naming ay malapit sa creek or bangbang ang tawag, kaya marami daw duong lamang lupa na nakatira na hindi naman naming nakikita. Pero ang kakaiba dito ay nakikita daw ng anak ko. Hindi ako naniniwala kase hindi naman nag sasabi ang anak ko at wala siyang nakukwento sa kin.

Hanggang sa mag grade one siya, ay nilagnat na naman siya ng mataas pero every after noon lang, bale one month siyang hindi nakapasok sa school, at may nag suggest na dalhin naming sa espiritista, at ang findings ng medium ay may third eye daw ang anak ko, pinag pagkwento ang anak ko kung ano ang nakikita niya at sinabi niya na may nakikita siyang maliliit na tao, mga ten daw lahat, at sing taas lang hanggang tuhod niya, color black daw at tapos red ang mata. Bukas daw ang third eye ng anak ko at totoo ang sinabi niya dahil yung isa daw ay kasama naming imagine may kasama pala kami nuno. Naalala ko pa one time nung nag punta kami sa manggagamot ang hiling ng anak ko ay huwag na hilutin ang likod niya kase magaling na. kaya pala ganon ay nakababa daw ang nuno sa likod ng anak ko. Simula noon ay parang naging active ang third eye ng anak ko, pag may lagnat siya ay para bang may nahawak sa paa nya kase pinapalis na niya na para bang may na hawak dito. Binigyan ng pangontra ang anak para hindi lapitan ng nuno, para siyang baby na may itinuturok na red sa damit niya. May suot din lagi siyang rosary. At minsan gusto niyang tanggalin ang rosary kase hindi daw siya makahinga, sabi lang naming ay mag dasal siya at humingi ng tulong kay Papa Jesus, mabuti at nakikinig siya sa amin.
Sabi ng Espiritista mawawala daw naman ang third eye or naisasara pag nag seven years old na ang aking anak.buti malapit na siyang mag seven 2 months na lang naman.
Pero nakakakilabot ang mga experiences niya. Sa bahay ng tita ko ay nakita niyang ang 2 matanda na namatay na, na umaakyat daw ng hagdan, at tinanong niya ang pinsan ko kung sino yong 2 matanda na umakyat as if wala naman talaga yong 2 matanda. Natakot ang pinsan ko at nag kwento na may nakita daw ang anak ko na matanda. Sa kwento ng anak ko ay iyon ang namatay na lola ng pinsan ko, at nag kwento din ako sa pinsan ko na may third eye ang anak ko. Natakot tuloy sila.

At mismong sa bahay naming ay nakita daw siyang babae na nakaputi na lumanpas daw sa bintana naming, e may bakal kaya ang bintana naming. Takbo ang anak ko palapit sakin kung nakita ko daw *** babae kase papunta daw sakin. Kinalabutan tuloy ako at hindi na ako nag laba. And nalaman na lang naming na namatay na pala ang lola ko na nasa Manila. At ang nakita niya ay ang shilloute ng lola ko kase maliit daw na matandang babae. May instances din na sabi niya ang lolo daw niya ang paru-paro na lilipad sa bahay naming (patay na kase ang father ko) kinakausap niya palagi ang paru-paro. At hindi siya makapag-isa sa pag ihi, pag punta sa kusina, at kahit may araw ay kailangan may kasama siya sa bahay, natatakot daw siya, bigla-bigla may napasok daw na tao kahit nakasara ang pinto. Ni minsan ay wala naman akong nakikita pero sa totoo lang ay natatakot ako pag malikot ang mga mata ng anak ko. At sabi ko na lang hindi totoo ang mga nakikita mo effect lang yong ng mga napapanood sa TV. At sa totoo lang gustong-gusto niyang manood ng katatakutan e matatakutin naman siya. Favorite niya ang midnight DJ, momay, may darling aswang at saka momoo and me.
Ngayon naman, nakalimutan na namin na kinatutuwaan siya ng mga lamang lupa kaya pinapayagan ko na siyang mag patuka ng alaga niyang manok, at just recently Masaya siyang nagkwento sa akin na ang dami natuka ng alaga niyang manok, at kahapon ay masakit daw ang kanyang tiyang akala ko may kabag lang siya, kaya pinainom ko siya ng gatas, hindi siya makanali, at hiniling niya na dalhin ko daw siya sa lola niyang may powers, (ang matandang sinasapian) dinala ko nga siya doon ay nalaman namin nag nakatuwaan na naman siya. 3 days ulet siyang gagamutin, MAbuti na lang at may nakakaalam kung paano pagagalingin ang aking anak. Basta nilagnat ang anak ko ay hindi ko muna dinadala sa doctor sa mang-gagamot muna. Kase ang father ko ay “nagalaw” din kaya lang dinala namin sa doctor at naturukan siya, kaya nagalit daw yung lamang lupa na nakagalaw sa kanya, namatay ang father ko na wala naman nakitang sakit ang mga doctor. Ang naging findings nila ay heart attack daw. Pero sabi ng mang-gagamot ay naturukan daw kaya hindi na gumaling. Nagalit ng tuluyan ang nuno, wala makapag patunay, pero bakit wala naman makitang sakit ang mga doctor.

Until now, may third eye pa din ang anak ko, wait ko na lang na mag August na ng sa gayon ay madala namin sa medium para maisara ang third eye niya. At syempre nanalangin din ako sa Panginoong Diyos na gabayan ako at aking anak, ang aming pamilya na malampasan ang pagsubok na ito.