Balagtasan

[NeoDyn]

Marunong ba kayong gumawa ng tula?

Napakinggan ninyo basa radyo nung araw ang programa na ito na nagdedebatehan o nagsasagutan ng patula?

Umpisahan ko,sagutin ninyo ng patula.At bawat nasa itaas ninyo ay sagutin ninyo and so fort and so on,okay?


(sana tama ang paliwanag ko


O heto ang start:

Maligaya ka ba,sa buhay mo ngayon,

sa kabila ng hirap sa iyo'y humahamon.

Udyok ng kasamaan,

iyong iniwasan.

Papaano mo nagawa,

gayo'y ikaw ay nakakaawa?

[impulse101]

oo masaya ako ngayon kaibigan,
ang mga pagsubok ay sadyang hindi malalampasan
anddyan ang mga yan upang tayo'y turuan
ng mga leksyon na atin ay matututunan

ikaw ba kaibigan kamusta na dyan?
malayo sa pamilya upang makipagsapalaran
hanga ako sa iyo dahil sa ginawa mo
dapat tularan ang mga bayaning katulad mo

[NeoDyn]

Ako naman ngayo'y nasa mabuting kalagayan

ngunit lamig lang ng panahon ang aking kalaban.

Taba at bilbil ay dapat mapasaakin,

upang hindi ako magkasakit at di ginawin.


Salamat sa iyong papuri,

at akoy napangiti.

Mahal ko ang aking pamilya,

kaya kailangang tustusan sila.


Gagawin mo ba habangbuhay para sa kanila,

walang tigil na pagsubaybay sa iyong pamilya.

Baka mapagod ka rin,

at sila'y lisanin.

[Ciprian]

alam mo nene lagi kong naiisip yan
buong buhay ko na para sa kanila
wala na akong ginawa para sa akin
pero okay lang siguro obligasyon ito
ako ang provider at haligi ng tahanan
kaya dapat lamang na sila tustusan
maaring mambabae ako at magluko
lisanin sila hindi ko magagawa
kung ako man ay may kalokohan
gawa lamang iyun ng kalungkutan
ako'y lalaki may pangangailangan
sila at sila pa rin aking uuwian
wag magpapaniwala sa aking tula
wala lamang ako talaga magawa

[NeoDyn]

taglay mong kapogian

dilag ay di ka mahihindian.

kahit na isang lola

mawiwindang,maloloka.


papaano mo pinanatili

biceps mong nakakakiliti.

kahit ikaw ay isa na ring senior

di ka matatalo ng iyong junior.

[impulse101]

yan ang propesor ko
kakaiba ang taglay na talino
magtanong ka sa kanya ng kahit na ano
asahan mo may isasagot sya dito

propesor ciprian kakaiba ka talaga
chuck norris? sino ba sya?
katulad ni nene, kumakayod sa ibang bansa
bayani ang maituturing kahit nasa malayo sya

[water_everywhere]

ako nama'y makikisagot sa inyong umpukan
di nga ba't ang mga bayaning tulad nila'y dapat parangalan
ngunit ano ang ginagawa ng ibang mamamayan?
sila'y binabalewala, lalo na ng mga nasa pamahalaan...

sana nga lamang ay nasa mabuti silang kalagayan sa lahat ng pagkakataon
upang kaanak at mahal sa buhay ay di mag-aalala
ano mang hirap at pasakit, balikatin nila roon
lalo na ng magiting nating kaibigang nasa isla ng mga Hapon...

[peculiar_chick]

napakamakata nyo naman
mukhang akoy mapagiiwanan
dun na lang ako sa kabilang thread
at gagawa na lang ng hamburger na may sandwich spread

[NeoDyn]

Datapwat mga bata pa ang iba dito

sa balagtasan ay talentado.

Mga kabataan,huwag pabayaan,

tulang ganito ang dapat masilayan.

[impulse101]

kahit mataas na ang teknolohiya ngayon
ang pagiging makata ay hindi mababaon
ang mga tulang napakasarap pakinggan
hindi ito dapat kalimutan

ang sining na ito ay hindi nakakarindi
bagkus dapat pa nga itong ipagmalaki!
sapagkat isa ito sa mga natatanging likha
na kahit sino ay maaring gumawa

kaming mga kabataan ay dapat maging ehemplo
upang ang susunod na henerasyon ay matuto
ng mga sining at likha na ubod ng ganda
nang sa gayon ay habang buhay itong hindi mawawala

o aking iniirog, mahal na mahal kita
ikaw ay aking natatanging ligaya
ang pinakamagandang nangyari sa buhay ko,
ay ang mahalin ako ng tulad mo

hala, ano itong nadarama?
pagiging makata, pag-ibig na kaya?
inaamin ko, mahal ko sya talaga
pero sana ako rin ay mahal nya

[Ciprian]

mahal na mahal ka nun wag kang mag alala
alam na alam ko, dahil tinanong ko siya
mahal mo ba si austin? yan ang sabi ko
mahal ko siya sobra mabilis na sabi niya
sabay sabi sa akin, bakit tanong ka ng tanong?
umupo ka lang sa tabi ko, wag kang maingay
ang ganda ganda ng palabas, si pong pagong

[Ciprian]

salamat nene, salamat sa papuri
sa yo din austeng, salamat din
water everywhere, thank you din
mga tula niyo ako'y napangiti
kay pec chick na tula ako natawa
nung kanyang kinompose gutom siguro siya

[Bagito_ako]

ha - ha - ha ... ha - ha - ha ...
natawa ka din pala, sa hamburger tula!

[NeoDyn]

napakamakata nyo naman
mukhang akoy mapagiiwanan
dun na lang ako sa kabilang thread
at gagawa na lang ng hamburger na may sandwich spread

gutom ka ba talaga nyan

ayon kay ciprian.

kaya nakagawa tulang nakakaaliw,

sige kain na baka ikaw ay mabaliw.

[Bagito_ako]

hello maam neo, galing naman ng thread naisip mo.
papano ba ito gawin? basta ba may rhyme pasok padin?
ilang burger na kaya nakain ni pec chick?
nagtataka lang ako bat wala pa ang makulit ...
si ka cip busy kaya? or baka lumabas para mangisda?
wala kase ako magawa, heto sa opis naka tunganga ...
makaisip nga ng makulit na tula...
mamaya popost ko dito, wag kang mabibigla

[SilverStreak]

mahusay ang naisip mo katoto
ilabas ang husay sa pagbigkas
nang mga katagang tunay na Pilipino
tagisan nang lalim, simula hanggang wakas

[Ciprian]

nasaan na bagito, anak ka ng kaimito
sabi mo popost mo bagong tula mo
sanlibong isa't tagahanga mo nag aabang
aabutin ba ito ng labinlimang buwan?


lol

[SilverStreak]

nagbigkas ba ng pangako si bagito
matamis o mapakla kaya ito
tunay kayang may tulang iaalay
ang taong ito na minsan ay mahalay

[Ciprian]

aba silverstreak sa paghusga ay alalay
si bagitong kumpare hindi siya mahalay
dito nga sa pex siya ay hindi nababagay
si bagito ay dapat di dito kundi sa seminaryo
dahil sobrang bait ito at ulo niya may halo






yeah right!

[Bagito_ako]

^galing ..!!!! teka, na pressure ako sa husay ninyo