Batang Public Iskul: Share your experience

[LimpBwiZit]

Laking public school ako.

Nung time namin, 50-60 students per class ang size.

5 students share one textbook. Maswerte na sa lagay na yan. Merong years na walang textbooks at all, or yong mga lumang textbooks pa ang ginagamit. Lokohan pa pag nagbasa kasi baka magkahawaan ng kuto dahil siksikan sa isang libro.

Tumutulo ang ulan sa classroom, walang electric fan, walang CR, sa tabi-tabi umiihi, naka-tsinelas ang mga estudyante pag pumasok, kilu-kilometrong lakaran papasok sa school, nakawan ng papel at lapis, basta, poor philippines ang scenario. Minsan sa ilalim ng puno na lang ang class dahil hindi na magkasya sa classroom.

After class, mag-ga-gardening, tatanim ng gulay sa bakuran ng school para may lulutuin ang titser na ulam para sa mga hindi makauwi for lunch break. Hiraman ng sapatos pag may school program. Pagbaba sa stage, hubad sapatos at ipahiram sa susunod na aakyat sa stage. Homemade suman, etc ang pang-exchange gift sa x'mas party.

Madalas walang pasok pag panahon ng ani ng palay kasi both teachers and students ay nasa bukid. Usual reason pag absent ay walang magbabantay ng kapatid dahil naglaba ang nanay sa ilog, naglako ng kakanin, isda, etc.

Karamihan sa mga dating classmates, ngayon ay katulong, merong kargador, magsasaka, karpentero, konti lang ang naging professionals.

Ang highlight, sa graduation, yong i-aabot na "diploma", na bond paper na naka-roll at tinalian ng ribbon, mga ilang piraso lang sya, kukolektahin pagkababa mo sa stage at ibabalik dun sa itaas para mai-abot uli sa iba pang aakyat.

Pagtungtong kong UP Diliman, kokonti lang kaming produkto ng public school at nakakaliit dahil magaling mag-english ang mga galing private schools. Nakakahiya sumali sa class discussion kasi baka matawa sila sa akin pag nag-english. Kahit tagalog, nakakahiya din kasi halata ang Bisaya accent at nagtatawanan sila.

Ang galing-galing nila mag-computer, samantalang kahit word star ay hindi kami marunong gumamit nun. Pinapa-type pa namin kasi wala naman kaming typewriter.

Nung natuto na akong mag-socialize and sharing grade/high school stories na ako with my classmates, ibang-iba pala ang mundo ng private schools. Tsaka ko na-realize, ma-swerte pala ako't laking public school ako - mas resourceful, mas madiskarte - hindi nagiging rason ang walang libro, or umuulan kaya hindi nakapasok, or traffic, or may "family occasion" na dinaluhan, or may transport strike, na-virus ang computer, nasira ang printer, etc. or some flimsy excuse for not attending classes or not submitting papers on time.

Tsaka laitan pa sila ng school.

Up to now, nakapag-ateneo na ako't lahat (and ako lang ata ang mula public grade/high school dun), nahihirapan pa rin akong maka-relate sa mga laking private schools. Ibang-iba talaga ang kinalakihan nila.

Kaya mga pinaka-close kong kabarkada, mga nakilala ko sa maynila na mga laking public schools din. Mas nagkakaintindihan kami. As in, pati mga jokes at kalokohan, kami-kami lang nakaka-gets ng jokes namin lagi.

*won't put this in Academics because this is about life in public schools, not about formal education.

[deviant_man]

^^^ WUUY!!! laking public school din ako... mula elementary hanggang college naman...

nung elementary, sa Valenzuela ako nag-aral... sa Baha-lenzuela Sea-ty, nyehehehe... I don't know if they still call it like that sa school... pero batch namin ang nagcoin ng term na yun... mantakin ba namang konting bagyo lang noon e halos umabot na sa tuhod ang baha... kaya noon, kapag pumapasok sa eskuwelahan, nakatsinelas din... hehehe... para makalusong sa baha... bawal ang maarte... hehe...

ewan ko kung me nangyayaring ganito sa private schools, pero me mga pumupunta sa amin noon na mga namimigay ng libreng gatas (angsaya talaga nun, haha... nalunod ako sa gatas...), mga libreng toothpaste saka toothbrush (ano kaya ang gusto nilang palabasin???), libreng deodorant (again, parang di ko gusto ang pinapalabas nila...), etc....

ang recess sa amin e parang prusisyon: isang pila kaming lalabas sa kuwarto, lalakad papunta sa pagkaliit-liit naming canteen para bumili ng pagkain... classic ang mga mapagpipiliian dun... hi-ro, rebisco, bingo, nilagang saba, spaghetting parang ketchup lang ang sauce, lugaw, ginatan, sopas... kapag nakabili ka ng softdrinks at mga chichiryang tulad ng piattos, aba shushal ka... pero siguraduhin mu lang na sa patago ka kakain, dahil matitindi pa sa pulis na mangriraid ang mga kaklase mo...

sa flag ceremony, di sila nakuntento sa Lupang Hinirang/Panatang Makabayan/Ako ay Pilipino Medley (me kasamang Malaya Ka Na, Pilipino sa Centennial Deluxe Edition)... talagang sinamahan pa nila ng HATAW... yung exercise... nung una, Let's Get Physical ang tugtog... nung tinopak ang adviser namin sa Grade Six na siyang nagpafacilitate ng flag ceremony, pinalitan niya yung tugtog ng Dayang Dayang...

meron kaming CR naman, pero dahil nakakasulasok ang itsura at amoy, walang nagtangkang mag-number 1 at lalung-lalo nang mag-number 2 (ay goodluck... tiisin na lang yung number 2, kesa kapitan ka sa pige ng GERMS)... hahahah... pupunta na lang kami dun sa isang lugar dun, yung parang estero, dun kami jumijingle... sa tinagal-tagal kong nag-aral dun, wala pang nangyari sa kin na me nakasabay ako dun o me nadatnan na umiihing iba maliban sa aming magkakaklase... ibig sabihin kami lang ang nakakaalam nun, haha, teritoryo baga (tamang-tama... naihian na namin e...)

dahil nauso ang Sineskwela, Mathtinik, Epol Apple, Hiraya Manawari at Bayani, yun ang madalas naming assignment sa eskuwelahan... yun din ang lagi naming pinag-chichismisan noon, kasama na rin yung mga anime sa umaga at hapon sa ABS-CBN... si Sarah, Cedie... nyehehehe...

mapalad kami dahil lahat kami e nabiyayaan ng libro, pero ang mga libro ang hindi mapapalad... mutilated na ang karamihan sa mga yon... pero mapagtatyagaan...

meron din kaming garden, at tinamnan namin iyon ng mais... ang saya!!! ambibilis nilang lumaki... pero mabibilis din silang binuwal ng bagyo... T_T

uso ang listahan ng mga noisy... uso ang koronang me nakasulat na "HARI NG DALDAL" at "REYNA NG DALDAL"... uso ang mangscotch tape ng bibig ng maiingay na bata (di ako yun!!!)... uso ang mangtali ng mga bata sa mga silya nila kapag di sila mapakali't tayu ng tayo...

nung high school naging exposed ako sa kalokohan ng mga kaklase ko... nung una, nakakashock, nanibago ako... matitindi ang mga kalokohan nila... at uso din ang mga faction-faction... pag di ka nakapasok sa kahit saan dun, di ka in... sorry, outcasted ka...

[shonen]

^ may garden din kami, nagtatanim kami ng talong, okra, kamatis, sili.

twing biyernes pinagdadala kami ng dahon (nalimutan ko na ano tawag sa dahon na yon) na pang isis ng desk, timba at tabo.

may rasyon kami ng trigo at skim milk.

projects namin - doily, walis tingting,..madami pa teka isipin ko

[deviant_man]

hehehe... pinagpufloor-wax din pala kami ng sahig... as in kami talaga... kaya kapag klase na, laging mapupula mga tuhod namin... hehehehe...

[shonen]

pinapauwi sakin ng titser ko nun grade 3 ako yun lesson plan nya. gayahin ko daw yun isang lesson plan.

taga check ako ng papel, inuuwi ko din.

ako nagsusulat lagi sa blackboard habang nagbabasa ng aliwan komiks si titser.

pag pasko, kami pinagagawa talaga ng parol, di pwede yun binili.

laging pinakakanta samin ang "Onofre D. Corpuz, ang simbolo ng karunungan..."

[usernametaken]

I'm not from public school pero nakakainspired naman magaral *** mga stories niyo. Ayos! keep em coming.

[shonen]

konti lang nakashoes, panay naka tsinelas. meron din ako classmates na ang bag ay fishnet. mahihirap lang talaga (tulad ko) mga kamagaral ko nun elementary. yun iba alang baon na pera at fishnet ang bag. nun lumaon naging "in" ang fishnet na bag. halos lahat nakafishnet.

Limpbwizit, pwede magpost ng pics

[leland]

Ako naman, Grades 1-5 sa private Catholic school pero naranasan ko ang Grade 6 sa public school. High school naman, maski considered na public school, maliit lang ang class size namin. 120 lang ang bawa't level.

Nakakatuwa ang memories ng isang taon ko sa public school na ang dami talagang estudyante. At syempre kakaiba sa earlier grade school experience ko.

Una na yung mga libro. Sa private, ang mga librong ginagamit namin hard-bound at maputi ang pages. Di ko matandaan kung for rent or kailangan bilhin, basta 1 per student kaya naiuuwi. Sa public, yung brown ang pages, paper bound at hindi pinapauwi yung mga libro.

Ewan ko kung lahat ng public school ay merong bilao na ipinapasa sa buong klase. May mga snack items sa bilao at kailangan maubos yung laman bago mapayagang mag-recess sa canteen ang klase. Nag-aawayan pa kung saang row dapat simulan ang bilao kasi syempre gusto nang lahat na maunang makapamili. Ang laging natitira ay nilagang saba. May classmate ako na sosyalin, lagi nyang sasabihin "sige, bilhin ko na ang saging para sa pet kong matsing".

Mahuhuli ang edad ko sa next kwento. May nagsu-supply ng nutribuns sa school namin. Tapos pag HE (Home Economics), may grupo na assigned na magpalaman ng peanut butter. Pag matigas na yung peanut butter, sasabihin ng teacher dagdagan ng tubig para lumambot.

Sa public school din ako nakakita ng mga teachers na namimingot at nangungurot ng estudyante. May isa akong kaklase na maingay, pinapunta ng teacher sa harapan at bilang parusa kiniliti nang kiniliti sa ribs.

Pero nakakatuwa din na natuto akong pumunta ng palengke at sumakay sa tricycle. Nung nasa private kasi ako, kung walang sariling sasakyan kailangan sa school bus ka nila sumakay. Minsan, naiwanan ako ng bus, hindi ko alam kung paano sumakay ng jeep o tricycle pauwi kaya nilakad ko.

[undaunted]

sa public school din ako nag elementary - hindi usong tawaging grade school ang elementary school e. ang pasok dun pang umaga ang grades 1, 3, 5 at panghapon yung grades 2, 4, 6. kulang kasi sa classroom kaya half day lang ang pasok ng mga estudyante.

sa libro, swerte ka kung section 1 ka kasi tig-isa kayong libro. pero dun sa ibang sections, hiraman na sila.

ang aga ng flag ceremony! parang 5:30am ata o 6am. pag na late ka, yari ka sa homeroom teacher mo. pagkatapos ng flag ceremony, kanya-kanyang assignment na. may assigned maglinis ng library, magbunot ng damo sa harap ng building, magdilig ng halaman sa principal's office. kailangang may baon laging basahan, floor wax at bunot panglinis naman ng area mo dahil may parusa ang pinakamaruming row

may plots din kami na tinataniman ng pechay, kamatis at kung anu-ano pang madaling tumubo. tapos yung mga teachers lang din ang mag-haharvest.

may tagasulat din ng noisy at standing. may english campaign din. piso sa bawat tagalong na salitang sasabihin mo. dun natatahimik ang buong klase.

may nagpupunta rin sa mga klase na nagbebenta ng kung anu-ano: mga pambatang libro, mga bahay na nakalagay sa loob ng bote na gawa ng mga taga bilibid at kung anu-ano pa. meron din dati dumating, pinaglaro kami ng pog - isang buong oras! meron din dumating na pinanood kami sa social hall ng sinbad and the seven seas.

meron ding mga teaching assistants (na education majors ata) na wala nang ginawa kundi mag-demo. mantakin nyo, kung hindi pinasaulo sa amin yung mapa ng ncr, e pinasaulo at pinakanta naman sa min yung pandangguhan. hala, i-google nyo na lang

lagi rin may observation mula sa office ng superintendent. at laging ang section 1 ang pinapa-observe na klase .

pag recess, may 2 babae na pupunta sa canteen para kunin yung tray na may lamang sopas, banana cue, siopao, pancit, at spaghetting lasang ketchup! sila na rin magbebenta nun. 10 minutes lang ang recess kaya kawawa yung 2 kaklaseng yun kasi lagi sila huli sa susunod na subject.

magdadagdag ulit ako pag may naalala pa

[ViperXtreme]

Nung elementary ako public school ako

Na experience ko din mga na experience nyo, with minor differences. Ako gusto ko magtsinelas buong araw pero magulang ko ayaw, pero nakakatakas akong nakatsinelas minsan.
Mga silya eh me sulat sulat at nasisira na, yung iba pinagtitiisan na lang, swertehan kung sino mauna.
Sa gardening eh nagtatanim din kami niyan, pati mga herbal medicine, lalo na yung oregano. Tapos meron fin pinagdadala kami ng tae ng kalabaw para fertilizer sa mga tanim namin. Sa pagdidilig eh gamit ang poso, malas ng taga bomba, pagud na pagod siya, dahil naranasan ko din
Me floor wax pero bihira since tuwing pagkatapos ng piyesta ng mga patay eh required kami mangolekta ng mga natunaw na kandila at yun ang gagamitin para sa sahig, kung sinusewerte eh aabutin ng matagal na panahon yun.
Pag recess me time na hindi kami pwede lumabas, me isa or dalawa lang na lalabas para mangolekta ng order saka siya pupunta sa canteen. Pansitl luglul madalas ko kunin or kung wala eh yun kakanin o munting puto na lang o kornik. Malas pa nung nangolekta kung na short siya at me hindi nakapagbayad.
Sa libro eh salamat naman eh lahat kami halos meron, pero yung iba eh sira sira na din.
Ang cr namin eh sa labas lang madalas, hindi lahat ng clasrum eh me CR
Home economics eh luto luto din, pero usually parepareho lang yearly sa bawat batch.
Me time na naasar pa titser namin, na bawal noisy, at me tagalista pero mas strikto na bawal talaga magsalita as in me lumabas sa bunganga, bawat salita eh lista.
Pag sabado or linggo minsan nagkikita din kami mga klasmeyt para pumunta sa bukid, mamingwit ng isda or maglimas, mamingwit ng palaka, manilador ng ibon maghanap ng bayawak o ahas, magpalipad ng sarangola.

Nung hayskul eh medyo na culture shock ako, nasa pribadong paaralan na ako nun, puro mga sosy at weird mga kaklase ko, napakaarte, lahat dinadahilan, pero di ako nagpagaya. Kung ano ang nakasanayan ko ng elementary eh ginagawa ko pa din ng hayskul, wala ako pakialam sa kanila. Nadagdagan lang kaalaman ko hangang sa tumuntong ng kolehiyo.
Engineering student na me alam at mahilig sa IT computers and electrical design at hindi makapaniwala mga kasama ko na mahilig din ako maglimas at manghuli ng isda at palaka

[deviant_man]

ah meron pa ako!!!

sa elementary, uso na uriin ang bawat estudyante base sa talino... sa row 1 nilalagay lahat ng magagaling, bibu-bibuhan, pati yung mga sadyang sipsip lang talaga... goodluck naman kapag row 4 ka... hahaha... pero di naman katabi ng mabahong basurahan ang row 4, tulad ng sinasabi ng marami.... hahahaha...

nung lumaon, di na binase sa talino, basta inayos na lang... naging official groups namin yung mga rows... everyday, nagpapalit-palit yung leader ng bawat group... sila ang tagacheck kung me mga assignments ang mga kagroup nila... at pupunta sila sa harapan ng klase't: "ikinagagalak kong sabihin sa inyo na lahat ng aking mga kagrupo ay may mga takdang aralin... magpalakpakan tayo..."

kapag malas ka't wala kang assignment, sorry, broadcasted pa rin iyon ng leader... hahaha... tatayo ka sa likod ng row niyo...

uso sa amin yung kapag birthday mo, pupunta ka sa harap, at nakasahod ang mga kamay mo na parang namamalimos... tapos isa-isa kang lalapitan ng mga kaklase mong nakapila para bigyan ka ng dalawampiso... hahahaha... angsaya... e mga singkwenta kami nun... hahahahaha... hanep... nakamagkano din ako nun...

kahit lalaki ka, kelangan mong manahi, magburda, maggantsilyo, magcrossstitch at magdoily...

kahit babae ka, kelangan mo pa ring magpukpok, maglagari, gumawa ng silya, lamesita, at maghinang... kelangan mo ring matutunan kung ano ang pagtuli, bakit kelangang gawin iyon at pano iyon gawin...

tuwing pasko, pasiklaban ng mga parol... kelangan gawa sa kahit anong bagay maliban sa cellophane... gumamit kami ng nilalang (weaved) dahon ng niyog... hehehe...

sa school namin, laging me mga magulang na naglalangis sa mga teacher.. nagbibigay ng mga bulaklak, pagkain, ganon... pero di sila nagtatagumpay... mwaahahaha...

naalala ko yung adviser ko nun, kapag nawiwiwi siya, pupunta siya sa sulok, nandun yung arinola niya, tapos tatawagin niya yung isang kaklase ko para hawakan yung isang detached na blackboard na ginagawa niyang panakip... hahaha... yung pobreng estudyante ding iyon ang magtatapon at maghuhugas ng arinola niya...

[Pablo99]

Public school ako up to grade 4. Simulan inampon ako ng lola ko, sa private school na ako all the way to college. Hindi ko naranasan ang hirap ng public school dahil kakarenovation lang ang eskwela namin. Daming bata sa classroom namin, siguro 70 to 100. Minsan nawawalan ng kuryente.

[cyberfunk]

Hay!! Flashback! I guess yung istorya ko halos pareho kay Limpbwizit since rural area ang pinanggalingan namin. Pero mukhang mas old school ako.

Other than those sa nasabi naalala ko nung elemtary days ko ang flag ceremony at ang recital ng lupang hinirang. Kalimitan yung mga top students ang nasa stage at yung humihila ng flag mga sikat or astigin sa paaralan.

Kapag may na nakitang nurse sa school grounds kanya kanyang takbuhan na ang takot sa injection.

Tuwing bibisita ang superintendent parang presidente ng pilipinas ang darating. Lahat maglilinis ng school grounds, magbubunot ng ligaw na damo.

Pagandahan ng plot sa gardening, parang mga nitso. Alagang alaga ang mga litsugas, petchay at kamatis.

Tuwing recess may mga bilao sa imiikot sa classroom hawak ng mga classmate na dapat magagaling sa math or yung class treasurer kase dapat marunong mag sukli. Kendi at samot saring tsitsirya. Junk food was virtually unheard of in those days..

Sa canteen standard fare na ang Arroscaldo o lugaw. natandaan ko pa may jello nun served sa loob ng empty egg shells. What a way to recycle the shells. Tapos may feeding program sa klasmates na malnourish, libre na yun lugaw and nutriban sa canteen.

Sa labas naman, di pa uso fish balls nung panahon ko. Turon, bananacue, kamotecue at yung matagal ko na miss na Maruya. May mga nilupak din minsan.

May mga fresh garden fruits na nag titinda din sa mga tabi tabi like, Duhat, Fresh Kasuy, sineguelas, mansanitas. Manggang hilaw at Singkamas on a stick tapos may bagoong na alamang on top. Aratilis, Bayabas, Chesas and Makopa comes free magpapaalam ka lang sa bakuran ng pagpipitasan mo.

After school may rough play na sa bakuran ng school or sa kalapit na irasan or dried rice paddies. Habulang taya, patintero, Luksong baka or luksong tinik. Memorable moments lalo na kung may crush kang girl na classmate and this is your chance for a touch or two. With the usual gang of boys we play Tumbang preso, Tsak ulo ( Old tennis ball we just run around at hit somebody in the head ) then we do mock fights, espadahan or tambling sa hay stack sa palayan.

Fights are settled in the grounds. Or forced! May kantsawan then "hawak **** hawak ****!!". Like our own version of knocking the chip of ones shoulder. Tapos suntukan na. Wrestling match na if both are tired. Uwi ka may black eye of bloody nose. Tawa lang si Tatay pag nakita ka tapos may palo ka pang pahabol sa nanay.

Di malilipmutan ang Cub scout and Boy scout days. Yung ninong mo sa binyag ninong mo rin sa boyscout ah he he. Di malilimutan na experience sa camping.. Kaya nag boy scout ako from elementary up to college. Uncle ko rin kase isa sa Boy scout sa namatay sa plane crash in 1963.

Pag pinatawag ka sa Principals office halos mapaihi ka sa shorts sa takot. Wag ka lang mura infront ng kaeskwela tatakutin ka na for saying bad words. Maranasan mong makurot sa nipples ng terror na teacher, remain standing kung mali ang sagot. May listahan ng "noisy" ang sipsip sa teacher, Pingot sa tenga kung cheating or palo ng ruler sa kamay. Segregated and matatalino sa Section one at sa classrooms segregated parin ang worse sa class sa row four. Anak ng teacher ang usual valedictorian.

Pero I wouldn't have it otherwise, I was happy na lahat kaming magkakamaganak eh galing ng Public from elementary to college. Elementary days pa lang it will build character na talaga.

[shintaro76]

Elementary at college ay sa pampublikong paaralan ako nagtapos maliban sa high school na pribadong paaralan.

Elementary(kinder-grade3)Mandaluyong(labas)

• mahaba ang mga medyas namin.
• may baboy na alaga pa sa likod ng paaralan.
• pa-letter U ang hanay ng mga gusali.
• karamihan pa sa school building ay bungalow-type(marcos-type?)
• uso pa ang nutri-bun saka si Eric Baine(ano nga bang toothpaste yun?)
• plastic bag ang lagayan ng mga school supplies ko at libro(Cherry Foodarama ata yun, wala kasi akong bag for 3 years).
• pero i had my black shoes.
• uso rin ang "smurf" non kaya may shirt kami na may print nito para sa isang school activity.

Elementary(grade4-6)Quezon City

• May malaking puno sa gitna ng school ground na sementado.
• As usual wala pa rin akong matinong bag maliban na lang nung grade 6.
• hindi ako nakaranas mag-long pants( puro shorts hanggang makagraduate)
• gumagamit ng floor polisher para pakintabin ang harapan ng opisina ng principal kasama na yung sa guidance counselor.
• May section SPED, mas matatalino raw kaysa sa section 1.
• Half-day lang ang class.
• Recess? NEVER akong bumili sa tray ng klase(kahit sa Mandaluyong).

Realization:
After I attended my high school reunion, i realize na mas maganda sana kung sa public high school na lang din sana ako nakapagtapos.

The reason is, humihingi ng donation yung school ko. But I thought, would it be beneficial to most children kung magdodonate ako sa kanila eh private school nga iyon which means, hindi accessible sa mas maraming kabataan.

Kung public school ka kasi, at medyo successful ka, hindi ka manghihinayang na magbigay lalo't alam mo na marami ang makikinabang?(Just me)

[mims2000]

nung elementary, kailangan pagandahan ng garden, magtatanim ka ng sari saring gulay, magdadala ka pa ng fertilizer na poop ng kalabaw.. hihihii minsan, excuse ka sa klase kung naglilinis ka ng HE room..hihihihi
at kapag recess time, may lugaw, sopas, at syempre ang walang kamatayang NUTRIBAN. hihihihihi

[f0rk]

hmmm parang ganyan rin experiences ko nung elementary at highschool kahit private ang inattendan ko. Ang impression ko sa mga public schools noon eh, ok lang sa kanila mag-absent ng basta-basta? nung nagcollege ako, sa public na, sabi ko na nga ba at walang bearing ang attendance sa public school

[BadAssGoddess]

public school ako from kinder to grade 2. naalala ko, may mga kaklase ako pumapasok ng hindi pa naliligo or may bakat pa ng banig sa mukha or tuyong laway na halata mong kagigising pa lang. row 1 to 5 ang seating arrangements, kapag nasa row 1 ka ibig sabihin marunong ka sa klase.. and sections are from section 1 to 15 i think. hindi ko na maalala.. iba iba rin ang itsura ng uniform namin, well yeah same color but not really same na same, like yung iba nakat-shirt yung iba nakapolo basta mahalaga puti ang top and green ang skirt... ang black-board nakaseparate na sa apat pagpasok mo pa lang ng school, nakasulat na lahat ng aaralin nyo the whole day on that board.. nakatakip lang ng manila paper yung mga hindi pa ididiscuss. and ang hindi ko makalimutan sa lahat, habang nagfaflag ceremony kami.. may nagsabunutan sa kabilang group na katabi namin sa line and sinakto pa nila na nagLulupang hinirang.

[NeoDyn]

60's pa yun nung nag-elementary ako sa public school.
Naalala ko lang na bago magrecess ay ibebenta sa amin yung bukbuking nutriban.10 centavos lang at kapag may palaman 20 cents na.Hindi naman talaga makain dahil sa dami ng bukbok.
Tapos nakapila kami nung papainumin ng PADRAX ba yun,para daw sa worm.Sa school din ako nabakunahan ng against polio.Yung uniform namin ay green at tadtad ng almirol kaya pag-uupo eh panay ang hagod ng mga girls sa likuran ng palda para pag-upo ay di magusot.

Nung mag grade six na ako,kailangan na naming tumulong sa kusina ng canteen at para magluto ng lugaw na tubig na lang yata yun na kinulayan ng hipongtuyo(hibe ba tawag dun?) at ng binubudbod na bulaklak na dilaw(hindi ko na matandaan ang tawag dun).Tapos magtitinda pa kami sa canteen at tatakalang lugaw yung mga primary students,5 cents ang isang bowl ng lugaw na kulay dilaw lang.

Kapag teacher's day kailangan may mga bulaklak na regalo kami.Pinapayagan ang mga mag-aaral na lumabas ng school at humagilap ng mga flowers sa daanan.Palibhasa parang province pa nun ang Las Pinas City,yung kahabaan ng Zapote-Alabang road ay puro pa halamanan.Kami ng kaclassmates ko nakakita ng bluish na flowers tapos pinagpipitas namin yun pala napakasangsang ng amoy,amoy bawang.Pero yun pa rin naman ang ibinigay namin dahil wala na kaming makita eh.

Baon ko nun,20 cents lang at may dala pa akong pandesal na kasing laki ng rubber na tsinelas.Palaman ko nunay binateng itlog.

Nung kapanahunan ko ay walang private school sa kapaligiran namin.Kahit anong yaman ay nasa public school din napasok ,yun nga lang ang mga teachers ay iba ang treatment dun sa mayayaman.Palaging nasa row one at kapag sinusundo na nga mga parents eh panay ang pachikas ng mga teacher.

Kapag may recognition day,yung mayayaman palaging kasali sa program.Favoritism at kamag-anak-effect ang umiiral sa school ko nun.


Sa public din ako naghigh school,yung mga classmates ko nung elementary ay dun din kami nagkita-kita.Yung mayayaman ay sa katabing private school at naging snob sila sa dati nilang classmate.Kaya paglabasan na ng dalawang school at sa abangan ng jeep,binabangga namin yung mga taga private school at inuunahan namin sa loob ng jeep.Pero yung best friend ko nung elementary ay nasa private sya,kapag punuan na ang jeep at nakita ko syang nag-aabang pa,pinahinto ko nun ang jeep tapos kinakandong ko sya.
After high school,hindi ko na sya nakita,lumipat sila ng ibang lugar.Nagkita na lang kami after 10 years at sya ang general manager ng isang multi national company na pinasukan ko.
Laking tuwa nya nun nung magkita kaming muli.
Nagcollege ako ay sa public pa rin kahit na may nagfinance na kaibigan ng father ko sa pagcollege ko.Malapit lang sa La salle yung university kaya pasyalan namin ay sa harapng ng La salle ,ang daming pogi kasi

Sa ngayon,ang halos na nakaupo sa pamahalaan ng Las Pinas City ay naging classmates ko.Kaya kahit anong papers na ayusin ko,bigay ko lang sa mga dating classmates ko at sila na nag-aasikaso.

Kahit mga pulis,exclassmates ko pa rin.

Sarap lang sa public school pumasok,walang pasosyal effect.Kahit paglabas na ng school kayo-kayo pa rin ang mgakakalaro.....

[leland]

Nung mag grade six na ako,kailangan na naming tumulong sa kusina ng canteen at para magluto ng lugaw na tubig na lang yata yun na kinulayan ng hipongtuyo(hibe ba tawag dun?) at ng binubudbod na bulaklak na dilaw(hindi ko na matandaan ang tawag dun).Tapos magtitinda pa kami sa canteen at tatakalang lugaw yung mga primary students,5 cents ang isang bowl ng lugaw na kulay dilaw lang.

hibe nga yung tuyong hipon, yung dilaw na bulaklak ang tawag sa Tagalog ay kasubha, Pinoy version ng saffron.

[kensamor]

Natawa ako sa garden na mukhang libingan. Pero ganon nga itsura, ang tinatanim namin noon usually ay kamoteng kahoy. Naalala ko tuloy ang palagi kong meryanda sa umaga...nutriban na may palamang Star Margarine. Ang nipis pa ng pagkalagay, masabi lang na me palaman. Saan ba gawa ang nutriban? Parang whole wheat ang itsura sa pagkatanda ko.